Pacman malungkot sa bagong oras ng kanyang programa

Seen : Mabigat sa loob ni Congressman Manny Pacquiao na ilipat sa ibang araw at timeslot ang Manny Many Prizes.

Inilipat sa ibang araw ang Manny Many Prizes, tuwing Linggo na ito mapapanood, upang tumaas ang rating ng show.

Scene : Pinasalamatan ni Nora Aunor si Charo Santos-Concio dahil ito ang kumuha sa kanya para maging bida ng Himala pero tinawag niya na mayabang si Charo sa interview sa kanya ng YES! Magazine noong September 2011.

Seen : Ipinahayag ni Nora Aunor ang pasasalamat kay Charo Santos-Concio nang bumalik siya  sa Pilipinas noong nakaraang linggo dahil nalaman niya na ipalalabas ang restored version ng Himala sa 69th Venice International Film Festival na magaganap sa August 29 hanggang September 8.

Scene : Nag-taping si Coco Martin sa Daraga, Albay para sa mga eksena niya sa Walang Hanggan.

Seen : Malakas ang karakter ni Alvin Abrenica kesa sa kanyang kapatid na si Aljur Abrenica at batay sa kanyang audition sa Artista Academy, mas may lalim ang pag-arte ng aspiring actor.

Scene : Ang Prive sa The Fort ang venue ng private party noong Huwebes para kay Miami Heat Coach Erik Spoelstra.

Dumalo sa private party ang popular Filipino sports and showbiz personalities.

Seen : Tinanggihan ni Coach Erik Spoelstra ang alok na magkaroon siya ng grand parade sa Metro Manila dahil hindi niya kasama ang Miami Heat Team.