Iya Virgin Pa

CEBU, Philippines - Nahugyaw ang mga sakop sa Cebu Entertainment Group (E-Group) ngab nakahinabi sa Kapamilya star nga si Iya Villania adtong milabay nga Martes sa gabii gumikan sa iyang deklarasyon kabahin sa pre-marital sex. Si Iya, gipatekang dinhi sa Sugbo isip celebrity guest sa Smart Communications nga nag-promote sa ilang nagkadaiyang text and call promos ug misuroy sa nagkadaiyang tunghaan ug dapit.

Sa sinugdanan sa interview midumili si Iya pagkomentaryo kabahin sa gikatahong engagement na nila sa iyang walo ka tuig na nga hinigugma nga si Drew Arellano. Migawas ang taho nga didto sa London adtong Mayo mi-propose si Drew kang Iya. Apan suma pa sa maong Fil-Australian, “I’m not confirming nor denying anything.” Buot niya nga magpabiling pribado ang bisan unsa man nga detalyi nga may kalabutan sa ilang relasyon.

Ug niya pa, mutuo man ug sa dili ang mga tawo, wala matud pa sila’y intimacy ni Drew bisan pa man og walo na ka tuig ang ilang relasyon. “There are many things that other couple have done but we don’t,” niya pa. Dihang akong gipangutana kung no to pre-marital sex ba ang iyang buot pasabot, yes ang tubag ni Iya. “Believe it or not, it sounds kalokohan but that is the truth,” tin-aw pa niya. Pakpak!

Suma pa niya ang nagpabiling intact ang iyang moralidad gumikan sa mga “experiences that I learned not from me but from others, things that I don’t want my family to put through,” ug gumikan kay gilibutan matud pa siya og mga buotan nga higala.

Pero iyang giklaro nga wala siya nakamenos o mi-ubos ang iyang pagtan-aw ngadto sa mga naghigugmaay nga nagbuhat og pre-marital sex. “I respect them. I don’t think any less of them,” niya pa. Dihang gipangutana unsay iyang ikatambag niadtong mga batan-on nga tipik sa usa ka relasyon kini maoy giluwatan ni Iya: Just don’t feel the pressure, really think of the big things, know the risk that you are taking and value your self more.” Ug lagi kay conservative man siya, gipangutana si Iya unsaon niya pagdepensa nga nagpa-sexy man siya sa kalendaryo sa Tanduay adtong milabay nga tuig. It was tastefully done, niya pa. Giangkon niya nga may mga hulagway niya sa maong kalendaryo nga wala siya nakauyon, apan wala siya’y laing gibasul kundili ang iyang kaugalingon. Ang iyang conservativeness ug moral values maoy rason nganong dili siya magpa-sexy sa cover sa usa ka magazine. “Tanduay is a brand, it’s a product. With a magazine, there are things that I don’t stand for.” Dungan niini, giangkon niya nga nakatabang ang iyang pagpa-sexy sa kalendaryo. “People look at me more womanly now, more mature.”

Pwes, sure ko may dear okRYANians nga kamo nahugyaw pud sa gibatbat ni Iya kabahin sa pre-marital sex, intimacy, virginity, ug moral values. Pero mao ra gyud ni akong masulti: You cannot judge a book by its cover. Ug pwede gyud diay sa usa ka relasyon nga walay pre-marital sex. Pakpak!

Reaksyon o opinion? Text me pinaagi sa: 0943-431-4567. Kinahanglan nga dunay ngalan ug address ang mensahe, ug labaw sa tanan kabahin kini sa unsay gituki karong adlawa, dili pwede ug ayaw paghimo og laing topic. Plus, kung makig-text mi ra ka, ayaw na lang og text—wa koy panahon ana. Pakkk! Kutob lang karong ala una sa hapon, (1pm, July 12) ang pagdawat nato sa inyong mga reaksyon. Busa, text text text na!

Magdungog gihapon ta pinaagi sa dyRC 648 Khz, 10 a.m. to 12n---Lunes hangtud Sabado. Bisitaha mi sa www.dyrc-cebu.com.

Pangitaa ko sa Facebook: [email protected].