Zsa zsa walang choice kundi magtrabaho

Maaabot din pala ng I Do Bidoo Bidoo ang August 29 playdate nila. Sa pagkamatay ni Dolphy hindi gaanong nakapagtrabaho agad si Zsa Zsa Padilla kaya naging cause of delay siya. Pero kahit may sakit at hindi pa fully recovered heard na nag-shooting agad ito para matapos ang pelikula na pinaka-hihintay na ng lahat.

Mga joke ni Joey nakakapikon na

Kung hindi mo talaga kilala si Joey de Leon ay mapipikon ka sa mga jokes niya. Gaya raw ng nararamdaman ni Shalani Soledad. Kaya kung gusto ni Mrs. Romulo ng isang stress-free hosting dapat siguro ay matuto na siyang tanggapin ang kanyang co-host for what he is. Joey is Joey, hindi mo na siya mababago. You just have to live or work with him. Pero baka naman kapag nalaman ni Joey na napipikon siya ay tantanan na siya nito. 

Artista search ng mga network kanya-kanyang drama

Ewan ko lang kung anong programa ang panonoorin ng tao ngayong sabay-sabay nang umeere ang mga malalaking reality searches ng tatlong major networks na may kanya-kanyang drama.

Base sa mga ipinakitang auditions, napasabak ang mga judges, talaga halos maubos ang pasensiya ng mga nag-judge sa mga pasaway na nag-audition. Pero sa nakita ko, naging proud ako dahil ang dami-daming may talentong Pinoy.

Sayang at piling-pili lamang ang matatanggap. Marami kasi ang nangangailangan ng mahabang panahon bago mag-bloom. Kaya kung ako sila, hindi ko na patatagalin, pahahangain ko na agad ang mga hurado.

Sa rami ng sasanayin, hindi na siguro mawawalan pa ng artista ang mga network. Kailangan na lamang ay  sanayin sila nang husto at pasikatin.