Marian na-enroll na!

Manila, Philippines --- Nag-enroll na si Marian Rivera sa Center for Asian Culinary Studies, gikuyogan siya ni Janice de Belen sanglit sa maong tunghaan mi-graduate og culinary studies si Janice. Seryoso si Marian nga madungagan ang iyang kahibawo sa pagluto, diploma ang giapas niini, busa giproblema karon ang schedule sa mga umaabot nga buwan nga ma-hectic na. Dili unta mabug-at ang schedule ni Marian gumikan kay mahuman na man ang Tweets for My Sweet ug bisan may option ang GMA-7 nga ipadayon ang comedy show, dili na puwede kay sa September, magsugod na siya og taping alang sa iyang bag-ong soap. Hapit na pud sugdan nila ni Marian ug Coco Martin ang shooting sa movie nila sa Regal Entertainment, busa giplantsa karon sa manager niyang si Popoy Caritativo ang iyang schedule aron walay mabulilyaso nga trabaho. Samtang muabot sa nasud para mag-concert ang K-Pop nga Bing Bang ug usa sa member niini ang mipadayag nga crush niya si Marian ug buot niyang mahimamat ang aktres sa ilang pag-abot sa ‘Pinas human niya kini nakit-an isip Darna sa usa ka Japanese TV show.