The Unexpected

CEBU, Philippines - Naglawig matag buntag ang tam-is ug mapahiyomong tingog ni DJ Randi sa 93.9 I-FM kinsa nagpasalamat sa tanang misuporta kaniya sa segment dinhi sa Banat News Hugyaw nga My Favorite DJ.

Tsika pa ni Randi nga wala niya damha nga mahimong usa ka DJ sanglit igo ra niya giubanan kaniadto ang iyang higala nga nagpa-audition sa I-FM, dul-an na sa 10 ka tuig ang milabay.

Maud pa niya nga niapil na lang siya sa audition sa pamasin nga mahimo siya nga DJ apan wala gyud kadto sa iyang plano hinungdan nga nakugang siya sa dihang nadawat siya sa IFM.

Migradwar si Randi sa kursong BS Biology  apan nalingaw na siya pag-ayo sa radio world hinungdan nga wala pa niya mapraktis sa pagka-karon ang iyang nahuman nga kurso.

“Months before I graduated, trainee nako so na-tuloy tuloy na siya and I loved it very much kay makapawala sa stress!,’’ matud pa ni Randi.

Apan giklaro ni Randi nga nagplano gihapon siya nga gamiton niya puhon  ang nahuman niya nga kurso.

 Daghang mga panghitabo ang dili makalimtan ni Randi nga dunay koneksyon sa iyang trabaho ug dali siya nga mopahiyom kung iya kini nga mahuna-hunaan.

“A lot of unforgettable moments/happenings like being on a national TV  for Pilipinas Win Na Win,  got to do interviews with political figures and showbiz personalities like the one with Gary V. And of course my up close and personal experience with my ultimate crush Derek Ramsay hehehe. Just recently, kauban nako si Dj Rob Rider,  unforgettable ang pag-host  sa inauguration sa bag-ong RMN Studio tungod sa presence sa President sa RMN ug sa mga EVPs sa among company,” matud pa ni Randi.

 Tambag ni Randi sa mga gusto nga mahimong DJ nga kinahanglan nga wad-on ang pagka-mauwawon.

“Kung gusto gyud nimo mag-dj, go for it!  Don’t be shy.  Mas maayo nga mohuman sa ka sa pag-eskwela aron mas confident ka sa imong craft ug aron naa kay fallback just in case,   kay di man ni forever nga job.  Whatever you do, work at it with all your heart.   And ayaw kalimot sa pag-pray for guidance.”