I Love Malunggay

Mao Na Ni All OverThe World mga Ka Tribung BisChikadora! Mga pipila ka mga adlaw mura kog na in love sa Malunggay kay sukad gi bida  sa BuenaMano Balita ang Malunggay shake ni sir Nestor Archival didto sa iya mismong Eco- House sa Talamban ang inyong Yur’s truly gisuwayan usab kini nako sa boarding house. Kung gusto ko mag moment, mamalit dayon ko sa supermarket og mga sagol para sa Malunggay shake sama sa : Malunggay, Saging, Camote tops ug mangga. Mas lami siya kung imong apilan og dahon sa Gotu kula. Of course dapat naa kay blender mao nga nagtigum gyud ko para makapalit og blender.hehhehehe. Ang akong drama kung wala ko’y mga lakaw, wala’y lafangan nga imbitasyon, magpuyo ra ko sa balay, mag Malunggay shake dayon ko then matulog para pagmata nako sa buntag, fresh na kaayo mo host sa BuenaMano Balita.  Ang pagbuhat sa Malunggay shake nga Yuri version kay mao kini : depende sa imong gusto, ako kay mga usa ka litro sa tubig ang akong ibutang sa blender, unya ibutang nako ang duha ka saging hinog, duha ka mangga nga hinog, camote tops  depende nimo kung daghan ba nga dahon imong ibutang, unya ang bida dayon nga kamunggay, pagkahuman kay imong e-blend. Para mas lami pwede nimong butangan og honey. Olah! Naa naka’y lamian kaayo nga Malunggay shake!

Wala pa gyud ko ka get over sa Malunggay, usa sa mga Kapuso Mall Shows namo sa Bohol nakahigayon kog tekang sa Bohol Bee Farm, sa walay pagduhaduha namalit ko og Malunggay spread ug Malunggay Tea.  Tuod man, sa dihang best in lafangan mi sa usa ka restaurant kauban ang mga stars sa Hindi Ka Na Mag-iisa, naHugyaw si Jennylyn Mercado ug Angelu DeLeon sa akong Malunggay tea kay nangayo ko og hot water sa waiter, unya nakapangutana sila og “ano yan?” Tubag dayon ko og “malunggay tea.” Nangutana si Angelu, “ masarap? Anong Lasa?” Nitubag ko og, “ gusto mo e-try? “ Gow! Ilang gisuwayan ang akong Malunggay tea. Nalamian ra pud sila! The best ang malunggay! Naa ko’y kape nga dunay Malunggay…Gusto usab nako suwayan ang mixed vegetable omelet nga dunay malunggay, winning recipe kini sa usa ka nanay nga nahimo namong bisita sa Buenamano Balita. Unsa ang mga sagol niini? Ako lang unya ipaambit kaninyo sa usa sa mga Domingo diri sa BisChika, mao nga sa pagkakaron suwayi ang lamian kaayo nga Malunggay shake nga Yuri’s version.

Gumikan kay gikan man ang among team sa Bohol para sa Sandugo Festival, naglahi gyud ko og budget para sa akong mga paborito nga Malunggay Spread ug Malunggay Tea. Unsa ang mga aksiyon sa Bohol show namo? Ayaw sipyata kay ihatod sa inyong Yur’s truly sunod Domingo….Alangan noh? Dili ko ma excited? Ang casts sa One True Love ang among nakauban, ug naa si Tisoy!!!!!!!!  Hahhahahahaha! Lami  kaayo ang feeling basta ganahan ka sa mga artista nga imong makauban, sa ikaduhang higayon nagkita kami og balik ni Mars….feeling close kaayo ko ni Ms. Jean Garcia, mao man gud na ang iyang itawag nako katong nagkakuyog mi og show sa Cagayan De Oro, basta like na niya ang usa ka tawo niana man siya nako og “Yuri mars na kita.” Mao nga mars ang among tinawganay.....hehehehe…

Mga Ka Tribung BisChikadora, Manghinaut ko nga kung unsa kadako sama sa butanding ang inyong suporta nga gihatag ninyo nako sa telebisyon sa BuenaMano Balita ug  Hugyaw nga suporta dinhi sa Banat Huygaw, sunod semana akong sudlon ang kalibutan sa radyo, tagaan ko ninyo og higayon nga pasudlon sa inyong mga panimalay, makauban sa inyong matag adlaw nga bulahaton. Atangi dire sa Banat Hugyaw kung asa nga radio station, unsang orasa ko ninyo madunggan. Kung wala mo mga Ka Tribung BisChikadora dili nako maabot kung asa man ko karun. Dako kini nako utang kabubut-on kaninyo. Sa BuenaMano Balita ug dire sa Banat Hugyaw.  Salamat.