Primetime sa TV5 binago!
MANILA, Philippines - Simula sa Lunes, Hulyo 30, tatlong programa ng TV5 ang babago sa mukha ng Pinoy primetime TV. Ang mga ito ang Enchanted Garden, ang mas pinagandang Wil Time Big Time at Artista Academy.
Magsisimula ang pagbabago ng Pinoy primetime sa Enchanted Garden,ang kauna-unahang eco-fantasya na mapapanood sa TV5 mula Lunes hanggang Biyernes tuwing 6:30 ng gabi.
Pinangungunahan nina Alice Dixson, Ruffa Gutierrez, Rufa Mae Quinto, Zoren Legaspi, Bb Gandanghari, at Alex Gonzaga ang cast ng seryeng ito.
Ang Wil Time Big Time ay lilipat sa bago nitong timeslot na ika-7 ng gabi.
Ang pinakaaabangang reality talent search na Artista Academy ay mapapanood mula Lunes hanggang Sabado sa ganap na ika-9 ng gabi. Makikita na ng buong Pilipinas ang proseso kung paanong maging the next big Kapatid star.
Ang 16 finalists ay automatic na mabibigyan ng scholarships sa Asian Academy for Television and the Arts (AATA) para maipagpatuloy nila ang kanilang pag-aaral sa pagiging total entertainers. Sa show, matuturuan sila ng mga batikang entertainment professionals na sina Direk Joel Lamangan, ang musikerong si Louie Ocampo at dance guru Georcelle Dapat ng G Force.
Mula Lunes hanggang Biyernes, ang actor-entrepreneur na si Marvin Agustin ang magiging host sa mga episodes na nagdo-document ng bawat hakbang sa Artista Academy. Samantala, ang award-winning filmmaker at musikerong si Cesar Montano ang lead presenter ng Artista Academy Live Exams tuwing Sabado ng gabi. Tuwing Live Exams, mapapatunayan ng mga finalists sa kanilang mga mentor, hurado at sa buong bansa na karapat-dapat nga silang manalo sa Artista Academy.
Sikat na wrestler bumisita sa ABS-CBN
Nag-guest ang sikat na wrestler ng World Wrestling Entertainment (WWE) na si Rey Mysterio nung July 27 sa Umagang Kay Ganda para imbitahan ang mga Pilipino na tangkilikin ang wrestling sa bansa. Dumalaw ang Meksikanong wrestler sa iba’t ibang mga programa sa iba’t ibang channels ng ABS-CBN tulad ng Game Day sa Balls (SkyCable Channel 34), at sa piling mga programa sa Studio 23, ANC, at MYX.
Mapapanood ang kabuuan ng pagbisita ni Rey Mysterio sa Pilipinas sa Mysterio sa Pinas na ipapalabas sa Aug. 5, 8:30-9 p.m. sa Studio 23.
Mapapanood din ang WWE Raw tuwing Huwebes ng 8 p.m., WWE NXT tuwing Biyernes ng 8 p.m., at WWE Superstars tuwing Sabado ng 8:30 p.m. sa Studio 23.
Dennis nag-enjoy sa indie
Taun-taon ang mga Pinoy filmmaker ay nagtitipon sa Cinemalaya upang ipakita ang kanilang mga dekalidad na likha.
Ngayong taon, isa sa mga kalahok sa Cinemalaya ay ang pelikulang Ang Katiwala na pinagbibidahan ng Kapuso aktor na si Dennis Trillo.
Ayon kay Dennis, ang maging parte ng ganitong klaseng proyekto ay isa mga highlight ng kanyang showbiz career.
“Alam mo, napakagandang experience nito sa akin bilang aktor. Parang mas lalo pa akong natuto sa aking craft. Panigurado, hindi ito ang huling pelikulang indie na gagawin ko. Saka, hinahangaan ko si Direk Aloy for working very hard for this project. I hope marami pang pelikulang ganito na magawa sa Philippine movie industry,” sabi ni Dennis.
Hindi na bago kay Dennis ang pakikipagtrabaho kay Direk Aloy. Sa katunayan, si Direk Aloy ang sumulat ng GMA program na Magdusa Ka (2008) na pinagbidahan ni Dennis.
Ang Katiwala ay sinulat at idinerehe ni Aloy at mapapanood ngayong Linggo, July 29, 1:30 p.m., sa Greenbelt Cinema 3.
Richard at Sarah, magsyota na
Mahigpit si Leilani kay Martin, mahalaga raw na hindi lumantad si Martin lalo’t ang alam sa kanya ng mga taga Paradiso ay patay na s’ya.
Malalaman ni Soledad at Louie ang background ni Amadeo. Nagtataka sila kung aanhin daw ng isang crimelord na katulad ni Amadeo ang isang rancho. Maaari raw na gagawing front ni Amadeo ang rancho para pagtakpan ang kanyang krimen.
Kampante si Roman na hindi magtatagumpay si Amadeo kung kakalabanin sila sa negosyo. Pero may ibang kutob si Soledad, kailangan daw nilang kilalanin ang kanilang kalaban.
Iimbitahan ni Amadeo ang mga Silvestre sa inauguration ng Amadeo Estate sa Paradiso. Magkakainitan sa pag uusap si Roman at Amadeo. Pero walang bakas ng takot ang makikita kay Amadeo. Laking gulat ni Soledad at Roman ng ipakilala ni Amadeo ang kanyang abogado … si Leilani Angeles. pangbubuko ni Louie. Magugulat si Javier sa nalaman. Bibigyan naman s’ya ng kasiguraduhan ni Leilani na matagal na n’yang nakalimutan si Martin.
Ito ang mga dapat abangang eksena sa Makapiling Kang Muli sa Lunes na pinagbibidahan nina Richard Gutierrez at Sarah Labahti na balitang sila na pala.
Yes mag-syota na sila at nagka-debelopan sa kanilang serye.
Hindi na rin daw naglilihim ang dalawa.
- Latest
