Talk show na may commercial pero sadsad ang rating binigyan na naman ng ultimatum!

Binigyan na naman pala ng ultimatum ang isang talk show. Disappointed daw kasi ang management dahil kahit may commercial load naman, wala naman daw ka-rating rating. Eh ang laki raw ng gastos ng programa. So sabi raw ng management, malamang umere pa sila this week pero pag wala pa ring nangyari, tuluyan na itong titigbakin sa ere.

Nauna na itong napabalita na tsutsugihin na sa ere pero inilipat lang ng araw.

Rita pati sa kotse nag-aalaga ng kanyang mga ‘baby’

Grabe totoo palang bata kung ituring ni Rita Avila ang mga alaga niyang manika. Hamakin mo ba naman daw na hanggang sa sasakyan ha, tinatanong niya ang mga ito kung kumain na, kung inaantok na. Yup, bitbit hanggang sa sasakyan. At pagdating daw dati nito sa taping ng Walang Hanggang, noong nasa programa pa siya, nasa isang tabi raw ito para alagaan ang apat niyang ‘anak’ na manika. As in inaasikasong parang mga totoong tao.

May ilang nag-deny na tungkol dito pero sure ang friend ko tungkol sa kuwentong ito bilang ang makeup artist ang nagtsismis sa kanya.

Kamakailan lang ay nagkaroon ng book launching si Rita na ang bida sa mga kuwento ay ang kanyang mga manikang inaalagaan.

Bakit kaya hindi na lang mag-ampon si Rita o mag-foster parent tulad nang ginagawa ni Agot Isidro na hindi man nagkaanak ay nag-volunteer naman sa isang foundation na mag-foster parent para kahit paano ay maramdaman niya ang maging ina. Bilang foster parent, nag-aalaga siya ng bata at pag nakuha na ng permamenteng aampon, saka kukunin sa kanya.

Sana ganun na lang ang gawin ni Rita kesa mag-alaga siya ng mga manikang walang buhay.

One True Love sasali SA Sandugo Festival

Dadayo ang cast ng One True Love sa pangunguna nina Alden Richards at Louise delos Reyes kasama sina Lucho Ayala, Benjie Paras, Raymond Bagatsing, Agot Isidro, and Jean Garcia para sa celebration ng Sandugo Festival this Sunday, July 29!

Ang GMA 7 ang ka-partner ng Sandugo Festival ngayon taon na ang tema ay Embracing the Culture of Friendship and Unity.  

Unang pupuntahan ng cast ang major streets ng Tagbilaran ng 1:00 p.m. at dederetso sila sa Kapuso Night na gaganapin sa CPG Sports Complex at 6:00 p.m.  

At makikidagdag ng saya sa Kapuso Night as hosts ang Youtube sensation na sina Moymoy Palaboy and GMA Cebu’s Anna Maris Igpit and Yuri.

“What makes this year’s celebration extra special is the participation of some of the biggest names of GMA Primetime TV. We hope all Kapuso followers not just from Bohol but from the whole of Central and Eastern Visayas will have a great time this weekend,” ayon kay Ann Marie Tan, Station Manager for GMA TV Cebu.

Mapapanood ang highlights ng Sandugo Festival 2012 sa August 12 via the TV special airing on the network’s regional stations in Naga, Dagupan, Cebu, Iloilo, Bacolod , Cagayan de Oro, Davao, General Santos, and Ilocos.