International Queen vs. Horror Queen?

Manila, Philippines --- Daw subling nabanhaw ang panagtigi nila ni Nora-Vilma gumikan kay showing karon ang The Healing ni Gov. Vilma Santos, busa nahisgutan pud ang pagkalakip sa main competition sa pelikulang Thy Womb ni Nora Aunor ug Lovi Poe sa Venice International Film Festival. Dakong dungog kini sa pelikula ni direk Brillante Mendoza nga wala makasulod isip usa sa mga entries sa Metro Manila Film Festival. Pero ang hugyaw kay makatigi matud pa ni Nora ang mga banggiitang international actress nga sila si Rachel McAdams ug Noomi Rapace. Busa lenggua sa usa ka Noranian, international filmfest queen matud pa si Ate Guy, busa unsa may dag-anan sa usa ka horror queen! Tua ra!

Panagsungag sa mga hawod

Ugma na ang awarding sa Cinemalaya Philippine Independent Film Festival ug karon pa lang gihisgutan na ang higpit nga panagtigi sa New Breed category. Higpit matud pa ang panagtigi para sa Best Actor nila ni JM de Guzman sa Intoy Syokoy ng Kalye Marino, Coco Martin sa Santa Nina, Kristoffer King sa Oros ug Dennis Trillo sa Ang Katiwala. Sa Best Actress category magtigi matud pa og maayo sila si Jodi Sta. Maria sa Aparisyon ug si LJ Reyes sa Intoy Syokoy. Sa Director’s Showcase dako kaayo og purohan ang Bwakaw ug gitag-an nga si Eddie Garcia maoy mudaog nga best actor. Pero lig-on pud kaayo ang Mga Mumunting Lihim nga gibituonan nila ni Judy Ann Santos, Iza Calzado, Agot Isidro ug Janice de Belen. Sol Gorgonio/PSN