Big Adventure papasukin ang virtual world sa Chubby World
MANILA, Philippines - Ngayong Sabado (July 28), ang mga kiddie kapuso contestants na sina Reine Christine Joy Ramos and Dolly Joy Anne Ortiguera ng NCBA Fairview ay mata-transport virtually sa mundo ng mga video games sa My Chubby World: Big Adventure.
Sina Reine at Dolly ay sasabak sa iba’t ibang klaseng physical, mental, at experiential challenges. Masusubukan ang kanilang lakas at talino sa pag-iwas at paglagpas sa mga malalaking props kasabay ng pagkumpleto ng tatlong challenges at paghanap ng tatlong hidden Chubby. Makikisama sa video game adventure na ito ay sina JC Tiuseco at Mikael Daez bilang mga special guest celebrity.
Ang My Chubby World: Big Adventure ay handog ng GMA Network at Rebisco Foods, Inc. Mapapanood ito tuwing Sabado, 8:30am sa GMA. Sina Renz Valerio, Gianna Cutler, Daniella Amable, at Zyrael Jestre and nagsisilbing mga host at ito ay mula sa direksyon ng veteran children’s TV director Noel Añonuevo.
- Latest
