BB magpapaka-lalaki na naman
Pinatay na ni BB Gandanghari si Rustom Padilla pero bubuhayin ito sa Enchanted Garden, ang eco-fantasya ng TV5 na mag-uumpisa sa darating na Lunes.
Magiging alive si Rustom sa Enchanted Garden dahil gaganap na lalaki si BB. Patutunayan ni BB na versatile actress siya. Ipapakita niya sa madlang bayan na carry pa rin niya na gumanap bilang lalaki.
Hindi dapat makalimutan ng mga tao na mahusay na action star si Rustom dahil sa action movies na ginawa niya noon. Kung magaling sa action stunts si Rustom, magaling din si BB.
Gina Pareño, isaw sa kalye ang trip
Madalas kaming magkasabay ni Gina Pareño sa parlor ni Bambbi Fuentes sa Timog, Quezon City.
Bilib ako kay Gina dahil ito pa rin ang nagmamaneho ng sariling sasakyan, kahit senior citizen na siya. Hindi madali ang ginagawa ni Gina dahil inaabot ng madaling araw ang kanyang mga taping at shooting.
Hindi rin nagbabago ang ugali ni Gina. Kapag nakararamdam ng gutom, hindi siya nagpapabili ng pagkain sa staff ni Bambbi. Lumalabas siya ng parlor at bumibili ng isaw na inilalako sa Timog Avenue. Dedma si Gina, kesehodang makilala siya ng mga tao.
Sa edad at stature ni Gina sa industry, can afford siya na mamuhay ng komportable pero work pa rin siya nang work. Ganyan kasipag si Gina kaya hindi siya nawawalan ng mga TV at movie assignment.
Direk Rico kasama sa brain storming ng H.O.T. TV
Si Rico Gutierrez pa rin ang direktor ng H.O.T. TV, ang talk show na ipapalit sa Showbiz Central.
Si Rico ang direktor ng Showbiz Central at naniniwala siya na gaya ng magtatapos na Sunday showbiz talk show ng GMA 7, magugustuhan ng televiewers ang H.O.T. TV.
Kasama si Rico sa brainstorming ng H.O.T. TV. Happy siya dahil may chemistry ang mga host ng kanilang new Sunday show, sina Regine Velasquez, Roderick Paulate, Raymond Gutierrez, at Jennylyn Mercado.
Suot ni Rep. Lani na gawa ni Rajo Laurel sumakto sa SONA
May mga nagtatanong sa name ng fashion designer na gumawa ng damit ng mag-inang Rep. Lani Mercado at Inah del Rosario sa State of the Nation Address o SONA ni P-Noy noong Lunes.
Si Rajo Laurel ang designer ng mga outfit ng kongresista ng Bacoor City at ng kanyang anak. Pinoy na Pinoy ang design ng damit ng mag-ina dahil ibinagay ni Rajo sa okasyon ang kanilang mga kasuotan.
Zsa Zsa may pamisa uli!
Ngayon ang birth anniversary ni Dolphy at kung nabubuhay ito, 84 years old na siya. Birth anniversary ang tawag sa kaarawan ng isang tao kapag sumakabilang-buhay na. Bilang paggunita sa birth anniversary ni Mang Dolphy, may pamisa uli si Zsa Zsa Padilla at ang mga naulilang anak ng Comedy King.
Sa gabi naman, may isang dinner na inihanda si Willie Revillame para sa pamilya ni Mang Dolphy.
- Latest
