Mylene ug Ira buwag na

CEBU, Philippines - “Single but happy” matud pa ang istado karon sa aktres nga si Mylene Dizon. Mao kini ang paghulagway sa aktres sa iyang kinabuhi human niya gikumpirmar nga buwag na sila sa uyab niya nga gitarista sa banda nga Bamboo nga si Ira Cruz. Suma pa ni Mylene nga susama sila ni Ira nga mihukom nga putlon na ang ilang relasyon nga milungtad og duha ka tuig gumikan kay dili na sila magkasinabot. “We tried to make it work, pero hindi na siya nagwo-work, so tinigil na namin rather than waste each other’s time," suma pa ni Mylene. Nasayran nga kapila na ka higayon nga nabalita nga nagbuwag ang duha apan magbalik ra usab dayon.