Success story sa Hari

Manila Philippines--Nalubong na si Mang Dolphy pero wala pa mahuman ang pagpasidungog kaniya. Usa ka TV special ang giandam sa GMA News TV ug isalida sa July 22, three days sa dili pa ang 84th birthday ni Mang Dolphy.

Lahi ang TV special gumikan kay naka-focus kini sa mga pagtulun-an sa humble beginnings sa Comedy King hangtud nga nagmalampuson siya sa iyang showbiz career.

Bongbong Bong?

May mga nangutana nako kun tinuod ba ang balita nga mukandidato pagka bise presidente sa 2016 si Senator Bong Revilla, Jr.

Paabuton na lang nato ang pagtubag ni Bong gumikan kay siguradong pangutan-on gyud siya sa media kun siya ba maoy mamahimong running mate ni Senator Bongbong Marcos nga mulansar pagka presidente.

Wala ilimod ni Bongbong ang kagustuhan niini nga sundon ang mga tunob sa iyang amahan, si ex-President Ferdinand Marcos. Kung mahinayon ang ilang paghiusa og pwersa, paabuton nato sa 2016 ang Bongbong-Bong tandem.

Station ID shoot

Nag-shoot kami og station ID sa GMA 7 sa Broadway Centrum adtong Lunes.

Kauban nako sa ID shoot ang mga co-host nako sa Startalk, sila si Butch Francisco, Ricky Lo ug Tim Yap.

Init kaayo adtong Lunes, pero giantos namo ang tanan, alang sa ikanindot sa among portion.

Hindi Ordinaryong Tsismis

Samtang may station ID shoot kami, may pictorial pud sa Studio 7 sa GMA Network Center ang mga host sa H.O.T TV, sila si Regine Velasquez, Roderick Paulate, Raymond Gutierrez ug Jennylyn Mercado.

Gidawat ni Regine ang offer nga mamahimong host sa talk show nga ipuli sa Showbiz Central kay giganahan siya sa concept.

May buot pasabot diay ang H.O.T., Hindi Ordinaryong Tsismis  ug masayran nato karong August 5 nganong dili ordinaryong talk show ang H.O.T. TV.

Angayan nga host sa usa ka talk show si Regine sanglit daghan siya og nahibaw-an nga istorya ug mga panghitabo sa showbiz ug sa kinabuhi sa mga artista... Lolit Solis/PSN

Chard bida sa Ping Lacson Story

Manila, Philippines--Nabasa namo sa timeline sa Twitter account ni Richard Gutierrez (murag supporters niya ang nag-atiman niini sanglit wala man siyay Twitter, Instagram ra) ang The Ping Lacson Story ug angay matud pa nga atangan ang maong pelikula.

Kun mauhon na, tinuod ang tsika nga may bag-ong bioflick si Sen. Ping Lacson, si Richard ang mudala sa papel sa senador. May usa pa ka aktor nga napili ang production people, obviously, si Richard ang final choice.

Kung kanus-a kini himuon ni Richard wala pay balita, but for sure, malipay ug excited ang aktor gumikan kay puno sa drama ang kinabuhi ni Sen. Lacson ug daghang action scenes.

Dennis nakuyawan ni Brillante

May lain pa nga indie film nga himuon si Dennis Trillo after Ang Katiwala  nga entry sa New Breed Full-Length Feature category sa Cinemalaya sa direction ni Aloy Adlawan. Ang next indie film nga himuon sa aktor mao ang Sapi  sa direction ni Brillante Mendoza.

Kung sa Ang Katiwala gihimo kini ni direk Aloy sulod sa nine days, sa Sapi,kanunay nga on call ang schedule ni Dennis sanglit kung may masudlan og ispirito, mag-shoot sila dayon. Nakuyawan si Dennis to be working with direk Brillante ug sa kakaibang tema sa pelikula.

“Kay Aloy, natuwa ako sa nalamang ako ang nasa mind niya nang isulat ang script ng Ang Katiwala, dito kay Brillante, kinabahan ako dahil first time ko siyang makakatrabaho. Nabuhay tuloy ang kagustuhan kong makapag-direk ng pelikula,” nagkanayon si Dennis.

Gibuking ni Yassi

Naloka si Kristoffer Martin kang Yassi Pressman gumikan kay ang wala niya isulti sa press nga makahawkanay sa Luna Blanca, ginganlan kini sa dalaga, walay lain kundili siya. Si Yassi mao si Kate, singer-actress ug  ka-love team sa heartthrob nga si Joaquin (Kristoffer).

Bisag smack kiss lang, big deal pa gihapon kini kang Yassi sanglit first screen kiss niya. Wala matud pay masuko sa habig niya kay wala siyay BF ug gipaniguro niya nga walay angay ipangabubho ang ka-MU ni Kristoffer nga si Joyce Ching... Nitz Miralles/PSN

TAPE executives mibisita sa Indonesia

Manila,Philippines - Mitikang ang pipila ka TAPE, Inc. executives, producer sa Eat Bulaga! sa Indonesia niadtong Huwebes aron i-supervise ug lantawon ang first episode sa unang international franchise sa noontime show sa maong nasud.  Gipasalida niadtong Lunes ang Indonesian version sa noontime show sa SCTV sa Indonesia.

Dali nga mikatap sa social networking sites ug internet ang unang telecast sa EB Indonesia ug plakado  ang logo sa show sa pictures nga nakita namo sa Facebook. Sama sa version dinhi, ang unod sa programa naglangkob sa Karaoke Stud, ang version sa Pambato ng Videoke, Indonesia Genuis (Pinoy henyo), One For All, All For One ug uban pa.

Matud pa sa direktor nga si Harsiwi Achmad, tumong sa programa ang mapasiatab ang positive values ug mahiduol ang tawo sa kumunidad.

“In addition to entertaining yet also entertaining education, fun but touchy. So we want this program a success as the Filipinos who can be seen for 33 years,” saysay pa sa direktor.

Pipila ka buwan gyud ang miagi sa wala pa mapasugot sa Indonesian TV producers ang executives sa  EB aron makabaton og international franchise ang show.  Human nalantawan ang unang episode, nagpungasi ang kalipay sa mga nangadto og Indonesia gumikan kay usa na pud ka history ang ilang nabuhat nga mahimong kabahin sa 33 ka tuig nga selebrasyon sa Eat Bulaga karong buwana.

Direk Chito motoo og faith healer

Nakasaksi gyud og kaayohan sa usa ka faith healer si direk Chito Rono sa panahon nga duna pa’y sakit ang iyang amahan nga kanhi government official.

Nagsilbi niya kini nga inspirasyon sa pagama sa latest horror flick niya nga The Healing nga gibidahan ni Gov. Vilma Santos-Recto.

“I wouldn’t say no if the intention is well. I mean, it’s not bad. And I do have faith so hindi naman siya mahirap tanggapin,” suma pa ni direk Chito.

Samtang si Pokwang nakasuway na usab nga nakapa-check up og faith healer gumikan sa gibati niya nga sakit sa panit gumikan sa bisan unsa na lang nga medisina nga iyang gipamutang sa ulo.

“May nagsabi sa akin na meron faith healer na kakilala niya. Sinubukan ko naman. Binigyan ako ng parang langis na ipapahid mo. Tapos, parang dadasalan. May listahan ‘yon. Hindi ko matandaan ‘yung kiyeme-kiyemeruth!  Ha! Ha! Ha! Nawala naman siya!

“Meron pa. ‘Yung sa anak ko na akala namin, namamatanda lang ‘yung bata. So dalawang healer ‘yung pinuntahan namin. Hindi rin gumaling ‘yung bata. Pina-city scan namin. May ano pala,” nagkanayon si Pokwang. (Jun Nardo/ PSN)(BANAT NEWS)