Pulitikong nakisawsaw kina Annabelle at isang reporter, nakatikim ng matinding batikos

Sino ba namang pulitiko itong gustong magpasa ng isang batas para mapagbawalan si Annabelle Rama na pumunta sa mga burol? Wala ba siyang maisip na mas importante at mas mahalagang bill na magagawa sa halip na ito na bunga lamang ng pag-aaway ng dalawang tao na nagkita sa isang lamay?

Tuloy umaani siya ng pambabatikos ng marami dahil pinapatulan niya ang isang away sa showbiz gayung marami siyang maiisip at magagawang batas na mas mapapakinabangan ng maraming Pilipino.

Regine paiiralin na ang pagiging tsismosa

Mas nakasisigurong si Regine Velasquez ang babanderang host sa pinaplanong programa na papalit sa Showbiz Central. May mala­king epekto ang ginagawang pagpapapayat ni Songbird bilang paghahanda sa kanyang bagong programa na kung saan ay makakasama pa rin sina Jennylyn Mercado at Raymond Gutierrez na mahihinuha mong isa ring showbiz talk show na katulad din ng nawalang Showbiz Central.

Ibig sabihin makikitsismis na rin si Regine.

Pidol dinamayan ng kabayo

Biruin mo, pati na ang kabayong maghahatid sana sa hari ng komedi sa kanyang huling hantungan ay mas piniling samahan na lang ang komedyante sa kanyang paglalakbay sa kabilang buhay.

Namatay ang kabayo kaya hindi natuloy ang magandang plano ng pamilya nang namatay na si Mang Dolphy. Ilalagay sana ang kanyang kabaong sa isang karwahe na hila-hila ng isang kabayo. Kahit sa kamatayan, nagpapatawa pa rin si Pidol.