Annabelle gi-boycott sa ALAM

Manila, Philippines --– Miduyog na ang grupong ALAM o Alab ng Mamahayag nga gipangulohan ni Jerry Yap sa panagbangi karon nila ni Annabelle Rama ug Chito Alcid. Suma pa ni Chito nga pasakaan gyud niya og kaso si Tita Annabelle pinaagi sa tabang sa iyang mga higala. Apan gipadayag ni Jerry sa ALAM, nga kung dili ipadayon ni Chito ang pagkiha kang Tita Annabelle, sila ang mopasaka og kaso. Nideklarar pa sila og persona non grata nga buot pasabot, ilahang i-boycott si Tita Annabelle sa ilang mga artikulo, aron matud pa matagaan kini og leksyon. Lakip ang pipila ka grupo sama sa PMPC ug Enpress kay ilang gidasig nga i-boycott si Bisaya apan ambot lang kung mag-apil apil ba ang maong duha ka grupo.

Annabelle gipildi ni Ynna?

Nakadawat mi og balita nga na-dismiss matud pa ang kasong Libel nga gipasaka ni Annabelle Rama batok kang Ynna Asistio. Naamong sa maong kaso ang editor sa usa ka pamantalaan nga si Janice Navida apan wala pa masayod ang nauwahi kung na-dismiss pud ba og lakip ang iyaha. Gitexan namo si Tita Annabelle kung tinuod ba kini ug unsa ang iyang reaksyon, apan wala pa mi gitubag sa pagsuwat niining balitaa. Aduna kini interview ni Korina Sanchez kagahapon, apan sa panapos ra nga bahin ra ko nakaabot sa maong interview. Matud pa nini nga iyaha nga sundon ang tambag ni Kris Aquino nga mamili sa mga patulan niya nga away. Busa kagahapon miinom na siya og pampakalma aron dili dayon siya maglagot sa mga balita nga maabot kaniya. Mag-relax matud pa siya ug di basta-basta nga masuko.

Human sa maong interview, gidagsaan si Bisaya og mga tweets nga misuporta ug nakasabot kaniya. (Sol Gorgonio/PSN)