Dagway sa Barangay Miss Kalunasan 2012: Sidlak Usa Ka Perlas
CEBU, Philippines - Ang 19 anyos nga si Maite Pearl Yap kinsa maoy napili nga Ms. Kalunasan 2012 maoy bag-ong modelo sa kabatan-onan sa maong barangay. Una niya kining salmot ug nagmadaugon siya, hinungdan nga nasibot siya nga musalmot pa og laing mga beauty pageants. Gipasalig hinuon niya nga dili niya pasagdan ang iyang mga responsibilidad sa Kalunasan.
Tinun-an si Maite sa kursong Bachelor of Arts in Liberal Arts with Communication sa University of San Jose Recoletos.
Usa sa gipasigarbo pag-ayo ni Maite sa iyang barangay mao ang pagkamatinabangon sa mga tawo, diin iyang nakita nga nagpabilin gihapon ang maayong kalidad sa mga Filipino nga magtinabangay sa bisan unsa nga problema ug kini maoy gitawag niya nga “bayanihan spirit”.
Tsika pa ni Maite dinhi sa Banat News Hugyaw nga kung matagaan siya og tsansa nga iyang makaatubang ang mga dagkong opisyales sa gobyerno, iyaha gyud nga i-propose ang paghatag og dakong pundo alang sa edukasyon aron daghang mga kabatan-onan ang makahuman og eskwela.
Usa sa nakita ni Maite niini mao ang pag-umol sa gobyerno og daghang scholars aron daghan usab nga mga tawo sa nasud ang makabaton og trabaho.
Matud pa niya nga yawe gayud ang edukasyon aron makahaw-as sa kalisod ang nag-unang problema nga giatubang karon sa nasud.
Suma pa niya nga kinahanglan gyud ang pag-atiman sa kaugalingon nimo nga tugkaran sa dili pa nimo atimanon ang lain pa nga mga area.
Nagkanayon ang dalaga nga ang pagsalmot og mga indigay maoy usa sa mga pamaagi nga aron mosaka pa ang iyang pagsalig sa iyang kaugalingon ug ipaambit sa uban ang iyang talent.
Lingaw-lingaw
Questions:
Banat Hugyaw: What part of your body is your favorite?
Maite: Akong lips kay kung mo- smile, nindot daw ko tan-awon, haha!
Banat Hugyaw: Unsa ang maka-turn off nimo sa usa ka lalaki?
Maite: Dali ra gyud ko ma-turn off kanang lalaki nga hambugero kaayo. Unya kanang bastos , dili gyud ko kauyon ana.
Banat Hugyaw: Qualities sa guy nga imong gipangita?
Maite: Una sa tanan kay taas ug gentleman. Dili man gyud sa tanang panahon nga duna koy basis. Depende ra gyud na kung kinsa ang akong magustohan.
Banat Hugyaw: Pila ka adlaw ang labing dugay nga wa ka naligo ug ngano?
Maite: Three days kay wala ma’y agas ato nga time, hahaha.
Name: Maite Pearl Yap
Nickname: Temai
Age: 19
Date of Birth: March 3, 1993
Place of Birth: Cebu
Nationality: Filipino
Talent: dancing, drawing & acting
Hobbies: reading & surfing the net
Favorite song: Grow Old With You
Favorite Actor: Bruce Willis
Favorite actress: Angelina Jolie
Height: 5’6
Vital Statistics: 35-26-36
- Latest
