Diana inalala ang kontrobersiyal na pictorial sa EDSA

PIK: Masayang nairaos ang FHM victory party na ginanap sa World Trade Center nung isang gabi.

Nakakatuwang napanood muli si Diana Zubiri na rumampa sa ganung event pagkatapos niyang mag-lie low nang ilang taon din.           

Sa portion ni Diana, ginunita ang kontrobersiyal na pag-pose nito sa EDSA sampung taon na ang nakakaraan.

Doon nagsimulang umalagwa ng husto ang career ni Diana at napansin na rin at bumenta ng husto ang FHM.

PAK: Kuwela naman ang pagrampa ni Chariz Solomon na naka-mini wedding outfit bilang announcement na rin sa nalalapit niyang pagpapakasal sa non-showbiz niyang boyfriend.

Sa December 2 ang church wedding nito at halos handa na ang lahat. Medyo natagalan lang daw sila sa mga legalities na dapat nilang ayusin.

BOOM: Mas sexy at revealing ang suot ni Sam Pinto sa nakaraang event kung ikumpara sa sinuot niya nung nakaraang taon.

Bago ito rumampa, nag-text pala si Sam kay Jackie Rice para klaruhin ang komento niya noon na ikinasama ng loob ni Jackie.

Nagkapaliwanagan sila through text kaya nang magkita sila sa FHM party ay okay na sila at nagkabati sila sa stage.

 “Wala na ’yun. Na-explain naman ni Sam na biro lang niya ’yun, kaya okay na,” pahayag ni Jackie.

Sabi pa ni Sam, masaya na nag-No. 1 siya sa Sexiest Pinay ng FHM ng dalawang taon. Okay na kahit hindi na siya sa susunod na taon.