Xyriel waging Child Star Of The Year
MANILA, Philippines - Tinanghal bilang Child Star of the Year ang Kapamilya child wonder na si Xyriel Manabat sa ginanap na 2012 Yahoo! OMG! Awards. Base sa final tally ng nasabing website, nakuha ni Xyriel ang 56% o lagpas kalahati ng pinagsamang text at online votes.
Bukod sa pagwawagi sa award-giving bodies, tiyak na magiging mas panalo si Xyriel sa puso ng TV viewers sa panibagong aral na ihahatid niya sa kanyang Wansapanataym special ngayong Sabado (Hulyo 14). Sa Pinay’s Big Sister episode, gagampanan niya ang karakter ni Pinay, isang batang madamot sa kanyang nakababatang kapatid. Nang pagkalooban siya ng isang mahiwagang pakpak na nagpapalaki ng iba’t ibang bagay, lalong lalala ang pagiging makasarili ni Pinay. Matututunan kaya ni Pinay na maging isang mabuting kapatid kapag nagkapalit sila ng puwesto?
Makakasama rin ni Xyriel sa episode sina Randy Santiago, Keanna Reeves, Louise Bernardo, Veyda Inoval, Mikylla Ramirez, at Glenda Garcia.
- Latest
