Mga DJ ng radyo aarangkada sa Manila Bay Clean-Up Run

MANILA, Philippines - Ang mga kilalang DJ mula sa pinakasikat na FM stations sa bansa ay aarangkada rin sa 2012 Manila Bay Clean-Up Run na gaganapin sa linggo, ika-15 ng hulyo

Suut-suot na ng mga batikang announcer ng 90.7 Love Radio, 101.1 Yes FM at 96.3 Easy Rock ang kani-kanilang running jerseys upang higit na makakuha ng suporta sa publiko para sa kampanya ng Land bank na linisin ang ating karagatan at iba pang daluyan ng tubig, lalung-lalo na ang Manila Bay. 

Tatakbo rin ang mga empleyado ng DZRH, kasama na ang mga volunteer ng Operation Tulong bilang bahagi ng ika-73 anibersaryo ng flagship station ng Manila Broadcasting Company, na siyang nag-organisa ng programa.

Kasabay nito, magsasagawa ang DZRH ng malawakang medical-dental mission sa 30 key cities sa iba’t ibang bahagi ng bansa, na susundan ng din ng job fair at boodle fight makaraan ang karera. 

Iba’t ibang running clubs, school groups, corporate teams at mga indibidual na mahilig tumakbo ay sumuporta sa kampanya.

Tinatantiyang aabot ng 5,000 ang tatakbo sa linggo sa magkakaibang dibisyon ng 3K, 5K, 10K, at 15K