Bro ni Christian nag-audition sa X Factor

SEEN: Timing ang pagpapaalam ni Pia Guanio sa Showbiz Central noong Linggo dahil sa kanyang maternity leave.

Hanggang July 29 na lamang ang Showbiz Central dahil papalitan ito ng bagong programa at hindi na kasama si Pia sa mga host.

SCENE: Hindi kumpleto ang The Hunks sa 20th Anniversary Celebration ng Star Magic sa ASAP Rocks dahil wala si Bernard Palanca.

Original members ng The Hunks sina Bernard, Diether Ocampo, Carlos Agassi, Jericho Rosales, at Piolo Pascual.

SEEN: Ang baduy na pananamit ni Ritz Azul. Kailangan ni Ritz ng stylist upang hindi laitin ang kanyang poor taste sa damit.

SCENE: Exclusive sa ABS-CBN ang coverage ng kasal nina Marco Alcaraz at Precious Lara Quigaman noong Linggo kaya limitado ang galaw ng mga TV crew ng TV5 at GMA 7.

SEEN : Limang buwan na ang baby boy na ipinagbubuntis ni Lara Quigaman. Noah ang pangalan na napili nina Lara at Marco para sa kanilang magiging panganay na anak.

SCENE: Na-miss ng Encantadia fans ang fantaserye ng GMA7 dahil sa magkatapat na guestings nina Iza Calzado sa The Buzz at Diana Zubiri sa Showbiz Central noong Linggo.

SCENE: Nag-audition sa The X Factor Philippines si Jordan Bautista ngunit hindi nito agad sinabi na kapatid siya ni Christian Bautista.

Hasa na ang boses ni Christian sa pagkanta kaya mas mahusay siya kay Jordan.

SCENE: Nakunan ng cell phone camera ang pag-aaway ni Amalia Fuentes at ng kanyang mga tenant, ang mag-asawang Rosemarie at Peter Licup.

Patung-patong na kaso ang isinampa ni Amalia laban sa mag-asawa sa Quezon City RTC.