STAR Group of Publications mabasa na sa iPhone

CEBU, Philippines - Ang mga unod sa website sa STAR Group of Publications nga Philstar.com mahimo na nga mabasa pinaagi sa iPhone uban sa paglusad sa universal iOS application karong panahona.

Gumikan sa Philstar.com news application, ang mga tawo nga dunay iPhones makabasa sa mga balita bisan asa silang dapita.

"For people who want to be updated on what's happening around, we are launching an iPAD application for iPhones. If you are a news addict and always on the move, this is the news application for you," suma pa sa Philstar.com.

Una na nga gilusad kaniadto sa Philstar.com ang news application sa iPad hinungdan nga updated gyud ang mga tawo sa mga unod sa The Philippine Star, Pilipino Star Ngayon, Freeman, Banat News ug People's Asia.

Ang maong news application nga bag-ohay lang gipaila-ila niadtong Hunyo 12 , aduna na’y gatosan ka mga downloads.

Ang mga unod sa maong application mahimong ipaambit pinaagi sa email, Twitter ug Facebook ug mahimo usab nga makapili sa nagkadaiyang seksyon (Headlines, Nation, Metro, Opinion, Lifestyle Sports, Business ug Entertainment).

Ang libre nga application mahimo nga idown-load sa http://itunes.apple.com/us/app/philstar-for-ipad/id532930273?mt=8.