Walay sama ka thrilling!

Hugyaw nga Mao Na Ni All Over The World Mga Ka Tribung BisChikadora! Murag naa pa ko sa moment nga wala pa naka get over sa among kasinatian didto sa Tacloban City para sa Kapuso Night featuring: Faithfully, nga halos kumpleto ang casts niini naa si Maxenne Magalona, Vaness Del Moral, Isabelle Daza, Marc Abaya, Mike Tan, Kevin Santos, Victor Aliwalas ug gipahugyaw pa ang kagabhiun kay naa ang Trio Diva of Asia, ang La Diva! Wala nakaabot si Isabelle Oli kay katapusang pangadye sa iyang nipanaw nga amahan, pagkahuman dayon sa ilang parade of lights (infairness naa’y butanding nga apil sa parade), sa unang higayon kini sa ilang kapiyestahan, gisunod dayon namo ang Kapuso Night nga didto nahitabo sa parking lot sa Robinsons Tacloban. Ikaduhang higayon kini namo sa Tacloban City para sa usa ka show pero mapasalamaton kaayo kami sa init nilang pagdawat sa Kapuso Network. Nahugyaw ang tanan sa dihang tagsatagsa na nga nigawas ang mga casts ug nihalad og kanta para sa mga Kapusong Taclobanon. Oras na sa La Diva para mag-perform, wala kapugngi sa La Diva nga motawag sa audience og mga sisterretes nga parehas nako nga La Diva pud ang ilang peg. Gipakanta pa kini sa La Diva nga game usab kaayo…..Kantahan to the max ang nahitabo. Daghang Salamat mga Kapusong Taclobanon!

Ang pagpadung didto sa Tacloban City kay hayahay ra ang pamati kauban ang among writer nga si Ardee Delola from Davao City, among Assistant Program Manager nga si Dado Tan from Ilo-ilo City ug ang ever loyal ni Steven Silva nga si Glenn “ Gleven” Boiser. Via airplane naabot kami sa Tacloban nga beautiful lang gihapon. Nag-shooting dayon kami sa mga point of interests sa Tacloban City para sa usa ka Let’s Fiesta episode nga angay nilang atangan karung July 15, 2012, 8:30 sa buntag. Pagkasunod adlaw sayo na pud ang among flight pabalik sa Cebu ug didto na nahitabo ang “Aksiyon” tungod kay confident kaayo kami nga gi-check na ni Gleven ang among mga tickets sa airport. Pero sad to say kay wala diay kini niya na check-in kay kinahanglan apil ang among mga bagahe. Ang ending gadali dali ang among beauty kay hapit nami mabiyaan sa eroplano. Tuod man, nanawag na ang among station manager kay boarding na ang eroplano, pag-abot sa airport gidagan dayon nako ang counter murag pila lang ka tikang nakaabot nako dayon para e check in ang among mga butang ug tickets. Ang eksena kay best in acting ug ni lenggua ko: Stop! Ate pwede pa mi mohabol dia ra ang among mga tickets! Kay duna may madre nga mao ang giserbisyohan ingon ko, “sister I’m so sorry, pasensya na naa pa mi show sa Bohol, sorry kaayo ninyong tanan! “ Gadagan mi padung sa eroplano, niana ko ni Anna Maris “Anah Lang” Igpit nga ikaw lang saka og una kay beauty queen man ka! Hahahhahaha! Pero si Gleven ug Ardee nga gasunod namo nga bitbit ang production box, gisungog pa gyud mi sa kahigayonan. Unsa man gyud pagkahitaboa nga nibuhagay ang bitbit nila nga production box? Nisinggit ko nga,darhl pagdali! Hahhahahahha. Maayo na lang wala mi pakpaki sa mga pasahero. Gatuo gyud ko nga kami ang COD ( Cause of Delay), pero dunay usa ka pasahero nga ni eksena sa gwapo nga flight attendant nga iyang ipakuha ang iyang passport nga didto naghuwat sa entrance sa airport. Ikaduha nagbalikbalik ang gisugo pero wala gyud nakit-an ang gisugo. Salamat dili pa gyud diay kami ang COD.

Pag-abot sa Cebu..derecho dayon mi sa Pier 4 para musakay sa first trip going to Bohol, pag-abot didto, work, work, work dayon. Wala’y reklamohay kay kini man ang among gipangita. Ingon bitaw ang usa nako ka kauban nga it’s better to be busy and loveless than jobless. Unsaon gyud? Usa ka Kapuso Mall Show sa Island City Mall ang among gipahigayon nga nag-celebrate sa ilang 8th Anniversary kauban silang Gabby Eigenmann, Rochelle Pangilinan ug Dennis Trillo nga puwerteng lingawa sa mga Boholano. Pagkahuman sa among show, murag ligid ang pamati nga flat tire. Pagsunod adlaw naglast trip mi pabalik sa Cebu kay nindot balikon ang mga tourist spots sa Bohol nga wala ka nagtrabaho. Feeling turista!

Atangi Next Week: Usa ka aktres dili manaog sa iyang sakyanan? Ngano Man? Plus ang Kapuso Road Tour featuring Hindi ka na Mag-iisa…