Ang pagkahinawayon

CEBU, Philippines -  Usa na ka semana ang nakalabay sa buwan sa Hulyo, mga yadzz. Unya, usa na lang ka buwan, Agosto na jud. Unya dili lang hibaw-an, ang mga malls ug ang mga radio stations magpatukar na pod sa mga Christmas songs. Pastilan, mga yadz, mura’g gahapon pa man tong nag-celebrate ta’s New Year no? Anyway, let’s move on, kay magbalikbalik ra man jud ang mga buwan. Ang dili nato kalimtan, nga nag-irog ang tuig, ug ang atong mga edad. And we are not getting any younger. Pero ako, mga yadzz, bisa’g senior citizen na ko, wa pa jud mawagtang ang akong pagkahinawayon. Although, dili pod gyod mawagtang ang batasan,  nga modayeg jud ko sa angayang daygon. Pananglitan, hangtod ron, nakadayeg pa man jud ko sa batasan ni Ana Maris Igpit, ug sa iyang pamiste. Ganahan man ko’s iyang batasan. Kanang giingon nako nga, The Gloria Romero attitude. Kanang batasan nga molungtad og dugay sa industriya. Kanang batasan sama sa ilang Gary Valenciano nga dili malimot nimo. Batasan sama sa batasan nilang Dulce, Pilita Corrales, Ricky Davao, Jericho Rosales, John Lloyd Cruz ug uban pang hangtod karon, naa pa. Manaway pod ko’s mga iladong tawo nga dili gyod makamaong mamiste. Mao na nga ganahan ko nilang Dulce ug Pilita Corrales nga mo-perform, kay performer gyod ang ilang attire kun mo-perform. Dili sama sa uban nakong nailhan nga, ang isul-ob sa byahi, mao ra say isul-ob inigsalida na. Mao na nga ganahan kong magtan-aw ni Charlene Gonzales sa The Buzz. Kay gawas sa iyang beauty, angayan siya kanunay sa iyang hairdo ug sa iyang mga sinina. Pero dunay usa ka lady newscaster sa usa ka giant network? Pastilan. Dili gyod masabot ang iyang binistihan. Kinsa may couturier ana niya? Mangayo pod ko’g pasaylo, no. Naa sa’y usa ka government official nga dili gyod makamaong mamiste. May baby fat pa siya, pero sige siyang nagsul-ob og horizontal T-shirts unya off-shoulder ang neckline. Careless kaayo uy. Sorry, sorry kaayo. Nitokar lang ang pagkahinawayon nako.