Nanaksak ng payong kay Amalia, nakatakas!

SEEN: Ang mag-asawang Rosemarie at Peter Tan Licup ang suspects sa pananaksak ng payong kay Amalia Fuentes at pambubugbog sa anak nitong si Jeric.

Wanted ng mga pulis ang mag-asawa na tumakas matapos ang insidente na nangyari noong Miyerkules sa bahay ni Amalia Fuentes sa New Manila, Quezon City na inuupahan nila.

SCENE: May kalaliman ang sugat sa likod ni Amalia na bunga ng pananaksak sa kanya ni Rosemarie ng payong.

Isinugod sina Amalia at Jeric sa St. Luke’s Hospital. Tumaas ng husto ang blood pressure ng veteran actress dahil sa trahedya.

SEEN: Naglaho na ang pag-asa ni Hayden Kho na maging doctor uli. Kinumpirma ng Court of Appeals ang pasya ng Professional Regulation Commission na bawiin ang medical license niya.

Makakapag-concentrate na si Hayden sa pag-aartista.

SCENE: Wala pang napipili na running mate si Manila City Mayor Alfredo Lim para sa eleksiyon sa susunod na taon.

Inaasahan na sasagutin ni Manila City Vice Mayor Isko Moreno ang pahayag ni Lim na malas ito sa kanyang mga bise alkalde.

SEEN: Two months pregnant pa lamang si Amy Perez sa second baby nila ni Carlo Castillo pero halata na ang kanyang ipinagbubuntis at mataba na siya.

SCENE: Fantasy at fetish ang theme ng FHM 100 Sexiest Women sa July 12 sa World Trade Center.

Nurse, military, leather, etc. ang mga costume ng sexy girls na rarampa sa FHM victory party.