Pero magma-master's muna, Rica tatlong lalaki ang gustong maging anak

Ngayong nakatapos na si Rica Peralejo ng kolehiyo ay plano naman niyang kumuha ng master’s degree.

“I’m still doing a study on either sociological science o baka puwede ring cultural studies so, depende pa. I want to take up master’s degree kasi parang it helps you explain people and basically the nature of my husband’s ministry is to deal with people and parang mas maganda sana kung makakatulong na ako sa ministry namin in a way like you can craft policies, you can make development studies, mga ganun,” pahayag ni Rica.

Naging aktibo ang aktres sa Victory Christian Fellowship mula nang ikasal sila noong 2010 ni Joseph Bonifacio na isang pastor.

“I’m very active now in our ministry especially after I graduated. Pero even while I was in school, I would really do a lot of church things,” pag-amin ni Rica.

Ngayong nakatapos na siya sa pag-aaral ay nagpaplano na silang mag-asawa na bumuo ng pamilya.

 “Gusto ko, we are hoping for a pregnancy by the end of this year, maybe December. We’re just really thinking about it kasi parang ayaw naman namin na masira ’yung mga holidays. ’Yung parang nagmo-morning sickness ako, tina-timing din namin nang maigi. When we got married kasi I was already in school.

“Actually, puwede naman talaga akong magbuntis kung gusto namin, kaya lang ayaw din naming maging unfair to the baby na parang we can’t give our baby the full attention just because I’m in school. Mahirap talaga eh, Ateneo is not that easy. The load is just very, very heavy,” paliwanag ng aktres.

Puro lalaki raw ang gustong maging anak ni Rica kung sakaling magbubuntis na siya.

“I’m praying sana three boys. Gusto ko lahat boys para I can play with them talaga. Ganun,” natatawang pagtatapos ni Rica.

Erich bata ang tingin kay Mario

Kababalik pa lamang ni Erich Gonzales sa bansa mula sa Thailand para sa shooting ng pelikula nila ni Mario Maurer. Nanatili ang dalaga ng ilang linggo roon para sa ilang eksena nila ng Thai heartthrob.

“We’re almost done with the movie pero there’s still sequences left na isyu-shoot namin. Exciting kasi ipapalabas na siya ngayong October,” nakangiting pahayag ni Erich.

Ayon sa young actress ay nag-adjust talaga siya ng husto sa kanyang leading man.

“At first talaga siyempre po ’yung cultural differences pero when I got to know him, sobrang cool siya. Wala talaga akong masasabi sa batang ’yon. Sobrang bait talaga,” paglalarawan ni Erich. “He is very fun to work with, napaka-kid at heart. Very playful and kaming lahat, mga Thai actor, okay kaming lahat sa set.”

Inaasahang sa Ilocos kukunan ang mga natitira pang eksena nina Erich at Mario para kanilang pelikula. Reports from JAMES C. CANTOS