Raymart naglikay na sa media

Manila, Philippines --- Paspas nga misibat si Raymart Santiago human sa story conference sa Luna Blanca niadtong Martes. Hilom lang kini ug naglikay siya nga hisgutan ang kalabot sa iyang kaso. Giatngan siya pag-ayo sa mga reporters apan wala gyud kini motubag sa mga pangutana. Gidid-an pa sa ilang abogado ang iyang asawa nga si Claudine nga motingog ug si Raymart lang ang puwede nga maka-istorya apan ang aktor nagpakahilom gihapon. Huwaton na lang matud pa ang resolution sa Prosecutor's Office sa Pasay sa dili pa siya motingog.

Iza wala magdumot sa kanhi uyab

Gi-greet ni Iza Calzado pinaagi sa iyang Twitter account ang ex-boyfriend niya nga si Atticus King nga nag-celebrate sa birthday niini kagahapon. Kagahapon usab ang press conference ni Iza sa iyang bag-ong teleserye nga Kahit ang Puso'y Masugatan. Matud pa niya nga higala gihapon niya ang iyang kanhi uyab. Dul-an na sa usa ka tuig ang ilang break-up, apan gimintinar nila ang ilang friendship. Gipangutana usab namo kung dako ba ang posibilidad nga magkabalik silang duha. "HIndi natin masasabi, Wala naman makapagsabi kung ano ang kahahantungan natin pero sa ngayon talaga gusto ko work muna talaga. Work lang nang work," suma pa sa aktres. Samtang naghinam-hinam na si Iza sa serye niya sa ABS-CBN 2 gumikan kay sugdan na kini karong Lunes, July 9.

Bunga sa kahago

Dako ang pasalamat sa mga bida sa Kasalanan Bang Ibigin Ka nga sila si Jackie Rice ug Jennica Garcia ngadto sa GMA 7 gumikan sa padayon nga paghatag kanila og trabaho hinungdan nga nakatigom na gyud sila alang sa ilang kaugmaon. Gipasigarbo ni Jennica nga hapit na niya mahuman og bayad ang iyang sakyanan ug naka--down na usab siya sa usa ka condo unit sa Makati. Gipangandaman na niya matud pa nga mag-inusara nga manginabuhi apan wala pa gyud masulod sa iyang huna-huna nga biyaan ang iyang Mommy ug mga igsuon. Samtang si Jackie kay nakabayad na sa iyang balay ug siya na ang nagpa-eskwela sa iyang mga pag-umangkon. Nagplano usab siya mosagop og baby, apan dili siya tugotan sa iyang Daddy. Giingong positibo ang feedback sa ilang afternoon drama busa posibleng ma-extend pa kini gumikan sa nindot nga dagan sa istorya.

Paolo dili pahisguton ni LJ?

Sumsuman karon ang istorya nga matud pa gidid-an si Paolo Avelino paghisgot kang LJ Reyes ug sa ilang anak sa iyang mga interviews. Hinungdan matud pa nga niadtong pagdaog niya isip best actor sa Gawad Urian niining bag-o lang para sa pelikulang Sayaw Ng Dalawang Kaliwang Paa, igo ra militok og “family” si Paolo isip usa sa iyang gipasalamatan atol sa iyang acceptance speech. Ang rason matud pa mao nga malikayan ang pagkadismaya sa publiko, ilabi na ang nagpantasya kang Paolo nga mga bayot ug babaye, sanglit hunk actor man ang packaging sa network niya.

“Attitude” si Xian?

Inartista ra matud pa ang tanan ni Xian Lim ngadto kang Kim Chiu aron mapalig-on og samot ang ilang loveteam. Ang tsika mao nga matag panahon nga may mall show o guest appearance silang duha ni Kim, kanunay kining mangutana unsay ilang himuon nga pa-cute aron makilig ang publiko. “Choreographed iyang tanang pa-tweetums,” suma pa sa tinubdan. Dugang pa niini, butangan matud pa og merthiolate ang nipples basta may pictorial aron “pink na pink” tan-awon. Mamili pud matud pa og make up artist si Xian ug dili musugot nga mubiya iyang production assistant, bisan og mangihi. Buot niini nga kanunay naa sa iyang kiliran ang PA.