Talk show gihapon

CEBU, Philippines - Giklaro ni Ruffa Guttierrez nga bisan pa man nga gibiyaan na niya ang Paparazzi, andam gihapon siya modawat kung tanyagan siya og laing showbiz talk show program.

Ara naka-gradwar na

Malipayon si Ara Mina gumikan kay naka-gradwar siya sa culinary arts sa ISCAHM o International School for Culinary Arts and Hotel Management sa Quezon City sa miaging adlaw.

Philip naneguro?

Tsika pa ni Phillip Salvador nga magpa-survey siya sa Bulacan aron mahibaw-an niya ang sentimento sa mga tawo sa maong dapit kalabot sa plano niya nga pagdagan pagka- bise gobernador karong 2013 election.

Regine ang ipuli?

Mitumaw ang mga hungihong nga matud pa nga ang show ni Regine Velasquez maoy ihulip kung tangtangon sa GMA-7 ang Showbiz Central.

Kusinero ni Anne

Matud pa ni Anne Curtis nga dili gyud siya magutman kung kauban niya ang iyang uyab nga si Erwan Heussaff gumikan kay lutoan siya niini kanunay sa mga paborito niya nga pagkaon.

T.G.I.S. dili madayon

Tsika pa ni Bobby Andrews nga dili na madayon ang giplano kaniadto nga remake sa T.G.I.S. gumikan kay puwerting bisiha sa iyang mga kaubanan ilabi na nga nagminyo na kini kasagaran.

Janine bairon ang pag-arte

Suma pa ni Janine Gutierrez nga dakong ikatabang sa iyang career ang pagkalakip niya saTogether Forever gumikan kay mabaid gyud niini ang iyang pag-arte ilabi na nga duna siya’y mga eksena nga mohilak sa maong serye.

Hangyo ni Maxene

Gihangyo ni Maxene Magalona ang publiko nga dili na lang hisgutan ang kalabot sa wala nila pagtingganay ni Bubbles Paraiso aron mahilom na ang isyu.

Pakpak alang kang Kim

Gipanglantawan nga makadawat og award si Kim Chiu gumikan sa maayo niya nga pagdala sa iyang karakter sa The Healing kung diin ang trailer niini nakadawat og mga positibong feedback.