Hayden ordinaryong empleyado na lang ni Dr. Vicki
PIK: Waging-wagi ang Kapuso babes sa survey ng Top 10 Sexiest Pinay ng FHM.
Si Sam Pinto ang nanguna at sinundan siya ni Angel Locsin. Pangatlo si Solenn Heussaff at pang-apat si Marian Rivera. Sinundan na ito nina Cristine Reyes, Ellen Adarna, Jackie Rice, Bela Padilla, Jennylyn Mercado, at Lovi Poe.
Magandang birthday gift ito kay Sam dahil pangalawang taon na niya ito sa FHM.
Sa July 12 ang FHM party at pinaghahandaan na nila ang pagrampa nila sa taunang event na ito na inaabangan ng mga kalalakihan at pati pards.
PAK: Ayaw ni Albie Casiño magsalita tungkol sa kasong isasampa nila sa mga lalaking nambugbog sa kanya.
Pinagbawalan daw siya ng mga abogado niyang magsalita. Wala rin siyang natanggap na apology mula sa mga gumawa nito sa kanya. Pero sinusubukan na niyang patawarin ang mga ito, at ayaw na rin niyang magalit pa.
“Almost, getting there. I’m trying to,” pakli nito nang tinanong namin kung napatawad na niya ang mga nanakit sa kanya.
“Not really galit. I don’t wanna get angry to anyone.”
Tampok si Albie sa pelikulang The Animal na isa sa entries sa New Breed category ng Cinemalaya Independent Film Festival.
BOOM: Deretso ang sagot ni Dr. Vicki Belo na hindi totoong nagkabalikan sila ni Hayden Kho, Jr.
Meron lang itong trabaho sa Belomed pero never talaga siyang nakipagbalikan dahil ayaw na niyang maulit pa ang dati.
“Hayden and I don’t talk. But we’re friends. I think we had a good break-up pero wala na talaga,” deretso niyang sagot.
Sa ngayon ay wala siyang dini-date pero open siya sa posibilidad na ma-in love muli.
“But I’m in a hibernating mode. Hindi naman ako nagmamadali,” dagdag pa niyang pahayag.
Nakikita ngang madalas silang nakikitang magkasama ni Al Galang na na-link din sa kanya pero wala raw talagang namamagitan sa kanila.
Tumutulong si Al sa bagong pino-promote nito ngayon na App (application) na hangad nilang mangunguna sa pag-download ang Belofy Me na feature sa App na kung saan nasa 59th place na ito worldwide. Siyempre, ang target ay mangunguna ito sa features sa buong mundo.
Nakasaad sa app na ’yun ang lahat na services ng Belo Medical Group.
- Latest
