Mikael giparetoki ang ilong?

Manila, Philippines --- Mas mi-gwapo si Mikael Daez dihang nakit-an namo niining bag-o lang sa storycon sa Regal movie nga The Bride & The Lover. Dili na maklaro ang bukog sa iyang ilong nga maoy sagabal sa iyang kagwapo. Wala lang hinuon namo siya mapangutana kabahin niini, hinungdan nga dihang nakit-an namo ang iyang manager nga si Jonas Gaffud, amo siyang gipangutana kun gipatangtang ba ni Mikael ang bukog sa iyang ilong. “Hindi. Ganoon ‘yon kapag may allergy siya,” tubag ni Jonas. Wheeee! Mas gusto pa namong tuhuan ang among kaugalingon nga gipatangtang ni Mikael ang bukog sa iyang ilong kay sa allergy nga gitubag sa iyang manager.

Shamcey news show host na

Dedma gyud sa showbiz si Shamcey Supsup bisag daghan na kaayong mitanyag niya. Lahi siya ni Venus Raj may acting debut na sa bag-ong bersyon sa Pridyider sa Regal Entertainment. Unsaon mas ganahan man gyud mag-host ni Miss Universe runner up pero dili kabahin sa showbiz kundi sa public affairs. Duna na gani siya umaabot nga show sa ANC News Channel nga giganahan kaayo siya busa iyang gidawat.