Mr. Fu naglikay ni Ruffa

Manila, Philippines --- Nagkauban sila si Ruffa Gutierrez ug Mr. Fu sa Ms. World beauty pageant adtong Domingo sa gabii. Pero wala sila magkita. Laraw unta ni Mr. Fu nga musulod sa dressing room ni Ruffa, pero miatras siya kay basin og dili pa andam ang actress/host nga makita siya. Naglikay pud siya nga ma-bwesit si Ruffa sanglit birthday man niini adtong Domingo. Miluwat na lamang og statement si Mr. Fu kabahin sa isyu sanglit siya ang gipasanginlan nga mihunghung og binastos ngadto kang Ruffa adtong Sabado sa Paparazzi. Suma pa ni Mr. Fu: “For the record, I did not mention any foul terms in Paparazzi’s Bulong segment. It was the same question that I asked to other guests who became part of the segment. “I apologize to Ruffa if she got offended. The writers and staff did not intend to ruin her birthday celebration. It was all for fun but again, I am sorry if things turned out this way. I am still proud of our show Paparazzi because I know I am working with hardworking and talented people. All the best to all of us!” Gumikan sa nahitabo adtong Sabado nga matud pa nabastos si Ruffa sa ilang “Bulong ng Palad” segment diin gihunghungan siya og binastos kabahin sa iyang mga kanhi uyab, dili na matud pa kini mubalik sa maong show.

Annabelle gipikhan ni Nadia gamit si Ruffa

Nahinayon ang arraignment sa kasong 14 counts of Libel nga gisang-at ni Nadia Montenegro batok kang Annabelle Rama. Gipahigayon ang hearing sa sala ni Judge Eleuterio Bathan sa Branch 92 sa Quezon City Regional Trial Court. Kauban ni Tita Annabelle ang iyang abugado, ug not guilty ang iyang plea sa korte. Wala nagpa-interview si Tita Annabelle lakip na ang iyang abogado. Si Nadia maoy nagpa-interview ug gipikhan niini lakip na si Ruffa Gutierrez sa nahitabo niini sa Paparazzi. Matud ni Nadia, “Alam kong may pinagdaanan silang mag-ina dahil sa ginawang pambabastos kay Ruffa sa Paparazzi. “Masakit talaga ang mabastos, sana naisip niya ang mga anak ko kung paano rin niya ako binastos noon sa mga pinagsasabi niya sa TV. “May kasabihan nga, ‘do not do unto others if you do not want to do unto you’. Bilog talaga ang mundo.

Riot sa kataw-anan

Nagsugod na ang shooting adtong milabay nga adlaw sa pelikula nga bituonan nila ni Jose Manalo ug Wally Bayola. Sa titulo pa lang nga “Sa Yo ang Pritil, Sa Akin ang Bangkusay” murag riot gyud ni sa kataw-anan. Mao na ang pelikula nga gisaad ni Vic Sotto ug sa APT Films ni Mr. Tony Tuviera adtong nag-concert ang duruha sa Araneta Coliseum. Excited ang duruha sa maong proyekto kay sila na gyud maoy bida. Si Soleen Heusaff ang leading lady ni Jose ug si Pokwang pud kang Wally.