Anak og opisyal mi-audition

Manila, Philippines --- Dili pa sigurado kun nakapasar ba, pero mi-audition sa Protégé: The Battle for the Big Artista Break ang anak sa usa ka taas nga opisyal sa gobyerno. Sigurado nga dili niya gamiton ang apelyido sa iyang amahan, busa kun wala makaila niya, dili masayran kinsa ang influential ug controversial niya nga amahan. In fairness, bisan may konek sa showbis ug dali ra para sa dalagita ang makasulod sa showbiz, bisag dili mu-audition, naghago gyud kini paglinya sa SM Mall of Asia sa audition last Monday. Karon nga ganahan mag-showbiz ang dalagita, andam na kaha ang iyang inahan nga hilabtan sa press ang kinabuhi sa iyang anak? Sa kaabtik sa press nga mangita og ebidensya, dali ra mabutyag ang tinuod nga kagikan unya sa bata.

Kinsay gipadungog-dungog ni Kylie?

Murag may gipadungog-dungog ang tweet ni Kylie Padilla nga “Happy birthday to my dearest brother. I love u Ali baby, you’re the only boy I’d never regret loving.” Murag may buot siyang ig-on sa iyang tweet no? Pero kung pangutan-on kini, sigurado nga mulimod ra pud ang dalaga. Anyway, sa Party Pilipinas lang usa makita si Kylie hangtud nga wala pa siyay soap. Nag-request matud pa siya sa GMA-7 management kung puwedeng light usa ang next project niya, pero drama gihapon ang isunod. Nitz Miralles/PSN