Ayon sa survey ng Cartoon Network, Sarah at Charice pinaka-favorite ng mga batang Pinoy

Si Sarah Geronimo pala ang nag-No. 1 sa study na isinagawa ng Cartoon Network na favorite singer ng mga batang may edad seven to 14 years old para sa kanilang New Generations 2012 survey.

As in tinalbugan pa niya sina Justin Bieber na pang third lang, pang-fourth si Taylor Swift at pang-lima si Bruno Mars.

Pero pumangalawa si Charice na merong 8% ayon sa report ng Cartoon Network. Nakakuha ng 14% si Sarah.

Gustong malaman ng Cartoon Network ang preference and lifestyles ng mga Pinoy kids kaya nagsagawa sila ng survey sa pamamagitan ng face to face interviews sa mga bata sa Metro Manila, Cebu, at Davao.

A, B, C, D ang socio-economic classes ng mga batang kinausap nila, ayon sa report.

Anyway, kulang-kulang isang buwan na lang pala ang 24/SG concert, ang birthday concert ni Sarah Geronimo.

Sa July 7 ang unang gabi at may repeat agad-agad sa July 21 – parehong Sabado.

Kaya naman bisi-bisihan na si Sarah sa rehearsal dahil ipinangako nga niyang kakaibang concert ang magaganap sa Big Dome. 

“Dream concert po ito. So, may mga concept po kami na talagang malaki, malaki talaga, magastos po. Pero siyempre gusto po talaga namin maibigay, ma-offer ’yung the best para sa audience. Dapat different po talaga siya sa show po namin na Sarah G. Live,” sabi ni Sarah G.

Kakaiba raw dahil mala-fantasy/fairytale-like theme na matagal nang gustong gawin ni Sarah.

“Mas visual po ito,” dagdag ng actress-TV host-singer.

Dahil dream concert ito kaya hands-on siya. Sumasama siya sa meetings at ’pag may suggestions siya naisasama sa kabuan ng concept ng 24/SG.

Ayaw pang i-reveal ni Sarah kung sinu-sino ang magiging guest niya pero kinikilig-kilig siya. Hmmm, parang alam na natin kung sino sila.

Si Gerald Anderson kaya ’yun? O si John Lloyd Cruz?

Kahit kasi may balitang naudlot ang ‘relasyon’ nila ni Gerald, mukhang OK pa raw lalo nga’t balitang hindi na matutuloy ang pagsasamahang serye nina Gerald at Kim Chiu bilang si Xiam Lim uli ang partner niya sa gagawin niyang teleserye.

Ang balita kasi, namimili na si Gerald ng gagawing serye after ng matagumpay na Budoy.

Ganyan.

Eh kung sila na lang kaya ni Sarah ang pagsamahin sa isang serye?

Mars nina Suzi At Camille maganda ang feedback

Tagumpay ang bagong programang inilunsad ng GMA News TV na Mars na host ang celebrity moms na sina Suzi Entrata-Abrera at Camille Prats.

Aba, positive ang feedbacks. Ang say ng ilang nakapanood, bongga ang bawat subject ng programa at nakakatulong sa mga mommy na marami pang tanong tungkol sa kanilang responsibilidad sa kanilang asawa’t mga anak.

Ayon sa Mars program manager na si Cecille de Guzman: “Camille and Suzi are both modern, young moms, but they have different backgrounds and life experiences. They are very engaging people, and are naturally curious. We think that their combination, and those of our guests, will bring an interesting mix of views and opinions that our viewers will enjoy.”

Oo nga naman, magkaibang-magkaiba ang kanilang background.

Anyway ang Mars ay napapanood Monday to Friday, 6:00 p.m., sa GMA News TV.

Mr. Felipe Gozon nagagandahan sa Walang Hanggan

Mainit na pinag-uusapan na ang one-liner ni Mr. Felipe Gozon na maging siya ay nagagandahan sa Walang Hanggan ng ABS-CBN.

Siyempre bilang presidente ng GMA 7 mino-monitor niya ang mga programa ng kalaban at nakita niyang maganda nga ito.

Kaya ngayon, super big deal talaga.

Charice excited na kay Cheesa

Ba’t ganun, hindi pala kagalingan ang Pinay na naging finalist sa The Voice Season 2 na si Cheesa Laureta?

Kumanta siya sa ASAP Rocks kahapon at nabanggit ni Charice sa isang interview na may sinulat siyang kanta para kay Cheesa.

In fairness, ’di hamak na mas magaling si Charice at maging si Jessica Sanchez sa nagbalikbayang si Cheesa.

Ayon pa sa interview kay Charice, excited na rin siyang maka-duet ang Pinay singer na nakilala nga sa America sa singing search na The Voice.