Pamilya ni Dolphy nanghihingi ng dasal naka-respirator at nasa ICU!

“My Dad was sent to the hospital last Saturday because of pneumonia. This made him weak because of his COPD. They had to attach a respirator in order to help him breathe. Currently, his vitals are all in order and he is responding to treatment very well. However, he is still under close observation and round the clock intensive care to make sure he recovers well. On behalf of our family, thank you for your love and prayers,” text ni Eric Quizon last Thursday night.

Labas-masok sa hospital si Mang Dolphy lately kaya talagang dasal ang kailangan niya sa kasalukuyan. Nagiging stable daw kasi ang condition nito pero madalas na kinakapitan ng pneumonia dahil sa mahinang immune system, kaya kailangan uling ibalik sa hospital.

Ngayon daw ay by appointment ang pagdalaw sa Hari ng Komedya sa Makati Medical Center. Nasa ICU nga kasi ito bawal na makalanghap ng kahit anong bacteria.

Eighty five years old na si Mang Dolphy pagdating ng July 25.

Kamakailan ay nagbigay ng taped message ang hari ng komedyante bilang pasasalamat sa mga nagdarasal para sa kanyang paggaling dahil nga pinagmamalisyahan ang tungkol sa totoong kalagayan niya.

Female showbiz personality nagpapaka-bading

Trying hard ang isang showbiz personality na i-level ang kanyang sarili sa mga bading. As in nagpi-feeling siya. 

Eh certified girl naman siya bilang may karelasyon siyang actor sa kasalukuyan.

Pero nagpapa-TH siya talaga. Baka dun ang nakita niyang ‘market’ kaya nakiki-level siya sa mga beki.

Mayor strike naka-jackpot sa misis

Mukhang si Jolo Revilla ang susunod sa yapak ng kanyang lolong si Sen. Ramon Sr. at ama niyang si Sen. Bong.

Aba ngayon pa lang, malakas ang clamor na tumakbo siyang vice governor ng Cavite.

Bata pa si Jolo, pero kinarir niya ang pagiging pulitiko kaya naman ayan, mataas na agad na posisiyon ang target niya. Kasalukuyan siyang barangay captain.

Kaya naman bilib kay Jolo ang uncle niyang siya Bacoor Mayor Strike Revilla. “Nasa learning process pa siya, pero malaki ang potential,” sabi ni Mayor Strike na nag-celebrate ng 1st wedding anniversary ng asawa niyang si Ms. Chaye Cabal-Revilla na galing din pala sa pamilya ng pulitiko sa Leyte.

Naniniwala rin si Mayor Strike na hindi mabigat ang trabaho ng bise gobernador kaya hindi maiiwan ni Jolo ang showbiz career niya.

Anyway, masaya ang buhay may asawa ng kapatid ni Sen. Bong dahil matalino at kanang kamay ni Mr. Manny Pangilinan ang kayang misis. Yup, First Vice President and Controller and Financial Reporting and Controllership Sector ng PLDT si Ms. Chaye. Galing niyang kausap.

Samantala, ayaw mag-comment ni Strike tungkol sa balitang tatakbong presidente ang kanyang kapatid.