Pacman biglaan ang uwi

Babalik ngayon sa bansa si Congressman Manny Pacquiao at kung bakit, malalaman natin sa kanyang pagdating.

Marami ang nagulat sa biglang pag-uwi ni Papa Manny dahil ang magbakasyon ng isang buwan sa Amerika ang original plan nila ni Jinkee at ng kanilang apat na anak.

May balak din sila na bumiyahe sa Holy Land. Ito ang news na nakarating sa akin — biglaan ang pag-uwi ni Papa Manny dahil gusto niya na damayan ang mga kababayan sa Sarangani province na nasalanta ng bagyo. Makikiramay din siya sa pamilya ng kanyang fan mula sa Cotabato na sumakabilang-buhay.

Hindi magtatagal sa Pilipinas si Papa Manny dahil babalik din siya sa US kapag naasikaso na niya ang mga problema sa Sarangani province na dapat lutasin.

Si Papa Manny ang house representative ng Sarangani province. Nang malaman niya na naapektuhan ng bagyo ang lalawigan na kanyang nasasakupan, agad na nagdesisyon si Papa Manny na umuwi ng Pilipinas para personal na damayan ang mga kababayan.

Ganyan kabait ang Pambansang Kamao. Puwede niyang ikansela ang lahat ng mga natanguan na appointment kung ang kapakanan ng kanyang mga kababayan ang nakasalalay.

Gagawa ng paraan ang staff ng Startalk na main­terbyu namin ng live ngayong hapon si Papa Manny dahil maraming isyu tungkol sa nakaraang laban nila ni Timothy Bradley, Jr. ang naghihintay ng kasagutan.

Gusto ring malaman ng mga tagahanga ni Papa Manny kung matutuloy ba ang shooting ng Hollywood movie na pagsasamahan nila ni Rob Schneider, ang Brass Knuckles.

May balita noon na gagawa sila ni Sylvester Stallone ng isang action movie pero hindi ito natuloy kaya may mga nagtatanong tungkol sa estado ng pelikula na gagawin nila ni Rob.

Enzo selos na selos kay Alden

Lumabas na kagabi sina Alden Ri­chards at Louise delos Reyes sa One True Love. Halos isang linggo rin ang ipinaghintay ng fans bago nila napanood ang mga eksena ng kanilang mga idol sa bagong primetime show ng GMA 7.

Si Alden ang kapareha ni Louise sa One True Love pero nali-link ang dalaga kay Enzo Pineda na umamin na nakararamdam din siya ng selos.

Para maka-feel ng selos si Enzo, nangangahulugan ito na talagang special someone niya si Louise. Hindi naman siya basta magseselos kung magkaibigan lamang sila ’di ba?

Starstruck Kid lumalaking kamukha ni Richard

Marami ang nakapansin kay Miguel Tan Felix sa mga eksena niya sa Makapiling Kang Muli.

Si Miguel ang gumanap na young Richard Gutierrez sa Makapiling Kang Muli at nagsimula ang kanyang showbiz career nang sumali siya sa unang season ng Starstruck Kids.

Binatilyo na ngayon si Miguel at future matinee idol. Mahusay ang akting niya sa teleserye ni Richard at may anggulo na magkamukha sila.

May mga request sa GMA 7 na i-build up ng husto ang bagets dahil malaki ang chance niya na sumikat at sundan ang yapak ng mga sikat na lead actors ng Kapuso Network. Puwedeng-puwedeng si Miguel ang itapat kay Paul Salas na produkto rin ng Starstruck Kids, binatilyo na rin at

binigyan ng malaking break ng ABS-CBN.