Bangs nagkasikat og samot
CEBU, Philippines - Mimugna karon og kasikas ang teen star-turned-sexy actress nga si Bangs Garcia gumikan sa karakter niya isip Mia sa ‘OFW-serye’ sa ABS-CBN nga “Kung Ako’y Iiwan Mo.”
Gawas sa padayong init nila nga love scenes ni Bangs ug Jake Cuenca, ginuntan pud sa TV viewers ang eksena diin nasakpan ni Sarah (Shaina Magdayao) ang maluibon niyang bana nga si Paul (Jake) nga kauban sa usa lang ka balay ang ex-girlfriend nga si Mia.
Gani sa datos sa Kantar Media, mitala ang maong episode adtong Hunyo 6 og 13.3% national TV ratings, kumpara sa GMA nga “Kasalanan Bang Ibigin Ka?” nga may 12.8%.
Sukwahi sa gipaabot nga muhunong na siya human nabutyag ang pagluib nila ni Paul, andam si Mia nga makigbisog para sa lalaki nga gimahal niya….Vinia Vivar/PM
- Latest
