Shaina, nakipagsampalan sa kabit

Manila, Philippines -  Sampal, sabunot, at masasakit na sa­­lita ang nakuha ng kabit ng asawa ni Shaina Magdayao sa de-kalibreng OFW-serye ng ABS-CBN na Kung Ako’y Iiwan Mo. Matapos mag­de­sis­yong lumipad sa Doha, Qatar upang ma­kipag-ayos sana sa kanyang mister na si Paul (Jake Cuenca), haharapin na ni Sarah (Shaina) ang pi­nakamasakit na pagsubok sa buhay mag-asawa--ang pagharap sa katotoha­nang pinagtaksilan siya ng nag-iisang lala­king minahal niya. Paano aayusin ni Paul ang gulong dinulot ng pangangaliwa niya? Matatanggap ba ni Mia (Bangs Garcia) kung sakaling iwanan siya ni Paul? Mabubuo pa ba ang pagmamahalang Paul at Sarah na winasak ng kataksilan? Huwag palampasin sa Kung Ako’y Iiwan Mo pag­katapos ng Mundo Man ay Magunaw sa Kapamilya Gold ng ABS-CBN.