Uyab ni Ai Ai nangabubho ni Aljur

Manila, Philippines --- Tinuod kaha nga usa sa gipangabubhuan sa non-showbiz boyfriend ni Aiai delas Alas si Aljur Abrenica? Nakasuod na silang duruha, ug magtawganay ug mag-text na sila sa usa’g-usa busa may panahon nga nag-emote ang uyab sa komedyana.

Pero friends lang gyud matud pa sila si Aiai ug Aljur ug nahimuot matud pa sila sa usa’g-usa.

Hapit na maplantsado ang detalye sa solo concert ni Aljur nga ipahigayon sa Aliw Theater sometime on November, ug si Aiai ang usa sa mga gihangyo ni Aljur na mag-guest.

Nag-okay na matud pa si Aiai ug gusto niini nga may production number sila nga wala pa matud pa mahimo niini sa nanlabay niyang concerts.

Role models

Maisip nga usa sa mga sulondon sa mga kabatan-unan ang magka-loveteam nga sila Alden Richards ug Louise delos Reyes nga bida sa bag-ong GMA Telebabad nga One True Love.

Ang bugtong gihandum ni Alden pagkakaron mao nga makatigom og ipalit og bag-ong kotse kay ang iyang gigamit iyang ihatag ngadto sa iyang papa aron may magamit ang iyang igsuon nga nagtungha.

Si Alden maoy nagpatungha sa iyang igsuon ug siya na pud maoy nag-abaga sa hapit tanang gastuhan sa ilang balay. Si Louise pud, taliwala sa hectic niyang schedule, naningkamot gyud sa iyang pagtungha. Mu-graduate na siya sa kursong Foreign Service sa Lyceum of the Philippines, ug di gyud matud pa siya mu-ondang kay buot gyud niya nga makahuman pagtuon.