Kasadya sa Tejero 2012

CEBU, Philippines - Ang Barangay Tejero mopahigayon na usab sa ilang tinuig nga pahugyaw,nga una nang gipahigayon niadto pang 1960’s ug gibanhaw tulo na ka tuig ang milabay ang Kasadya sa Tejero. Dungan usab niini ang 2nd Panagtagbo Festival. Suma pa sa konsehal sa maong barangay kinsa tsirman usab committee on entertainment nga si Hon. Garry Lao nga tumong sa maong kalihukan mao ang pagdalit og kalingawan ngadto sa mga tawo pinaagi sa hugyaw nga street dancing, peryahan ug sa mga hinimo nga higante sa kadalanan.

Lima ka cluster groups gikan sa 36 ka mga sitio sa maong barangay sa 2nd Panagtagbo Festival inubanan usab sa ilang mga festival queen ang magtigi karong hapon hangtud na sa gabii.

“The activity will greatly help the development of tourism in our barangay and our place will be known as a keeper of culture since the Kasadya sa Tejero started in the 1960's,” suma pa ni Lao. Kini maghatag og kasadya sa maong barangay ug kanunay kini nga atangan sa mga tawo matag tuig. “It is also an opportunity for the barangay to promote camaraderie and unity through the festival, which depicts the barangay’s deep history,” dugang pa ni Lao.

Mapasalamaton si Lao ngadto kang Kapitan Jessielou Cadungog ug sa mga kaubanan niya sa konseho sa 100% nga suporta nga gihatag sa festival. Mhatag usab og suporta sa maong kalihukan ang Oriental Port Allied Services Corporation (OPASCOR) nga gipangulohan sa ilang General Manager ug President Atty. Tomas A. Riveral ug Michel Lhuiller sa Lhuiller Group of Companies kinsa midonar og P100,000 alang sa festival. Nagpaabot ang P20,000 alang sa mahimong kampiyon sa Panagtagbo festival.

Ang kagamhanan sa Probinsya sa Sugbo nga gipangulohan ni Governor Gwendolyn Garcia misuporta usab sa kalihukan pinaagi sa paghatag og festival management workshop alang sa mga contingents. Samtang mga maanyag usab nga babaye sa Tejero ang magtigi sa titulo nga festival queen ug kini naglangkob nila ni Haydee Mobi, Marie Angely Sison, Marjorie Noble ug Patricia Kaye Cirujano.