Paningkamot Janine!

CEBU, Philippines - Gipahibalo ni Janine Gutierrez nga nagkaanam na og kahanas ang iyang talento sa pagkanta gumikan usa siya sa kanunay nga i-request sa mga televiewers sa Party Pilipinas nga pakantahon.

Adunay segment ang maong programa kung diin ang mga viewers mo-request og kanta ug kinsa ang ganahan nila nga pakantahon.

Aminado si Janine nga dunay mga tawo nga mosaway sa iyang tingog apan wala siya nagpaapekto niini sanglit nagsilbi niya kini nga tamdanan aron mas tarungon pa niya ang iyang performance sa entablado.

“Diba Sunday yung Party P., then yung mga kakantahin ko, ibibigay every Thursday kaya double time talaga sa practice, pero okay naman siya, nag-enjoy talaga ako. Kahit nga hindi ko alam ang kanta, kailangan talaga na kakantahin ko dahil gusto ito ng mga tao,” suma pa ni Janine.

Suma pa ni Janine nga kanunay siya mangayo og guidance sa iyang mga ginikanan nga sila si Lotlot de Leon ug Ramon Christopher hinungdan nga nawala ang iyang pagkamauwawon.

Tsika pa ni Janine nga pipila sa iyang mga higala ang magsige og agni kaniya nga moapil og mga indigay sa kaanyag apan wala siya mosugot gumikan kay dili siya hilig niini.

“Hindi po ako mahilig sa mga beauty pageants. Wala sa aking linya ang mga ganyan, siguro showbiz lang talaga ang hilig ko,” suma pa ni Janine sa dihang nahinabi sa Banat News Hugyaw adtong Biyernes, alang sa promo tour sa My Beloved dinhi sa Sugbo.

Nagkanayon si Janine nga kanunay siya makadawat og mga pagdayeg sa mga production number niya sa Party P. kung diin makadungan niya kanunay sila si Dennis Trillo, Marc Abaya, Jay Perillo, MM Magno, Jake Vargas ug Julianne San Jose.

Samtang giangkon niya nga close sila sa iyang apohan, ang Asia's Queen of Songs nga si Ms. Pilita Corrales.

“Very supportive po sa aking career ang aking Mamita (Pilita), close po talaga kami,” niya pa.

Dili gyud niya malimtan ang pagsulod niya sa showbiz sa miaging tuig diin full force gyud ang iyang kabanay sa dihang pormal siya nga gipaila-ila sa Party Pilipinas kung diin gitambongan kini sa iyang Mommy Lotlot, Daddy Monching, Tita Jackielou Blanco, ang mga igsuon niya nga sila si Jessica, Maxine, Diego ug uban pa .

Migradwar si Janine sa Ateneo de Manila University sa miaging tuig ubos sa kursong European Studies.

“Yung kurso ko po, related sa business, puwede po akong mag-work sa ibang bansa, pero sa ngayon, ine-enjoy ko muna yung shobwbiz,” matud pa ni Janine.

Dugang pa niya nga usa sa iyang plano mao nga magtukod og restaurant puhon sanglit usa kini sa matang sa negosyo nga epektibo ngadto sa katawhan.

“Actually, hindi ako marunong magluto, seguro gagamitin ko lang yung skills ko sa pagma-manage ng business na natutunan ko sa pag-aaral ko,” panapos pa ni Janine.