Luna pinagtatawanan!

MANILA, Philippines - Itatapon sana ni Rowena ang maitim na sanggol pero makukunsensiya siya at babalikan ito.

Pagtatawanan ng mga tao si Rowena dahil sa kakaibang itsura ng kambal niya.

Magugulat si Lolo Igme. Matutuklasan niya na may sariling buhay ang anino ng sanggol na si Luna!

Mas mahal ni Rowena ang anak na si Blanca kaysa kay Luna.

Malalaki na sina Luna at Blanca. Kakaiba talaga ang pagiging kambal nila.

Maiisip nina Luna at Blanca na tulungan si Rowena para may gamot si Lolo Igme. Sasayaw ang dalawang bata sa harap ng mga tao, hoping na makalikom sila ng pera.

Pero makikita ito ni Rowena, hiyang-hiya siya dahil pinagtatawanan ng mga tao ang bibong si Luna. Kakaladkarin ni Rowena si Luna pauwi at papaluin.

Maiiyak na lang si Luna dahil pinalo siya ni Rowena.

Masaya si Blanca dahil makakapag-aral na siya pero malulungkot din dahil hindi niya pala kasama si Luna.

Malulungkot si Luna dahil kinahihiya siya ni Rowena dahil maitim siya.

Matatakot si Luna dahil kumakaway sa kanya ang sarili niyang anino.

Bubuntot si Luna kay Blanca papuntang school. Masaya na si Blanca dahil makakasama na niya ang kambal niya kahit patago.

Aawayin ng mga bullies si Blanca. Ipagtatanggol siya ni Luna.

Itatapon sa basurahan ng mga bullies si Luna. Ililigtas ng anino si Luna.

Ito ang ilan sa mga aabangan sa bagong bukas na seryeng Luna Bianca na mapapanood sa GMA 7 pagkatapos ng 24 Oras.