Iwa napunta naman kay Pampi Lacson

PIK : Nakapag-taping na pala si Roxanne Guinoo sa Daddy Dearest, kaya mukhang matutuloy pa rin siya kahit nagdadalang-tao na naman ito.

Ang balak pa sana ng GMA 7 ay medyo mahaba-haba pa ang partisipasyon niya sa bagong telefantasyang ito ng GMA 7 pero hindi pa madesisyunan kung itutuloy pa rin siya dahil sa kalagayan niya ngayon.

Sabi naman ni Roxanne, kaya pa niya kahit buntis na ito. Pero wala pang desisyon ang GMA7 kung itutuloy pa rin siya.

Naghihintay lang ng payo ang production staff ng Daddy Dearest kung tuloy pa rin si Ro­xanne.

PAK : Hindi lang isa, kundi marami ang nagkuwento tungkol sa isang kilalang aktres na nagwala sa isang sikat na hotel/resort sa Boracay nang nabalitaan nitong kasama ng ex-boyfriend ang kaibigang aktres.

Sinugod nito ang dalawa sa sikat na hotel/resort doon at nagwawala na ikinagulat ng mga nakasaksi dahil parang bangag na bangag itong si kilalang aktres.           

Tinanong namin itong sinugod na aktres pero hindi kami sinagot. Nang pinilit namin tungkol sa intrigang ito, tumanggi lang ito. Say niya, hindi totoo dahil wala siya sa Boracay nung panahong ’yun.

Nahalata naming ayaw na ni aktres na lumaki pa ang isyu.

BOOM : Kailan lang ay nag-i-emote si Iwa Moto sa kanyang Twitter account nang mag-break sila ni Leandro Muñoz.

Pero ilang linggo lang ang lumipas ay masaya na siya dahil inspired na naman.

Ang latest na nabalitaan namin, kay Pampi Lacson na ito nali-link at nababasa naman sa kanyang Twitter account kung gaano ito ka-inspired.           

May mga litrato si Iwa kasama si Pampi at ang anak nito na parang ang sweet nilang dalawa.

Hindi pa namin nakakausap si Iwa pero nang nakausap namin ang ilang taong malapit sa aktres, naloloka na sila sa Haponesang aktres dahil ang bilis nitong ma-in love uli.