Carla gitaktak ni Andi

Manila, Philippines —Nataktak na diay si Carla Abellana isip bida sa remake sa Pridyider, ang usa sa mga milabay nga episodes sa Shake, Rattle & Roll. Sila unta ni Janice de Belen, original cast episode, ang magkuyog sa bag-ong bersyon.

Si Andi Eigemann ang mihulip kang Carla ug naka-shooting na ang single mom. Kaparis niya sa movie si JM de Guzman sa direksyon ni Rico Ilarde.

Mahinumduman nga ang Regal ang misawo kang Andi dihang namabdos kini. Karon ang Regal pud ang subling misalig kang Andi human kini nanganak.

Sarah gitsula dayo’ng Chard

Hawkanay diretso ang eksena nila ni Richard Gutierrez ug Sarah Lahbati sa bag-o nilang drama series nga Makapiling Kang Muli. Dali nga nakumportabli si Sarah kang Chard sanglit managsama sila nga ganahan og paugnat sa kusog.

“Sporty rin kasi ako kaya happy ako nang turuan niya ako ng swimming, diving at boxing. He’s very friendly and professional,” ni Sarah dihang nahinabi atol sa shooting sa Boy Pick Up The Movie.

Karon ug ugma makabaton og dakong panahon nga magkuyog sila si Chard ug Sarah gumikan sa promotions sa bag-o nilang show didto sa Bacolod ug Iloilo City kauban si Carla Abellana ug uban pang cast.

Solenn co-host na sa Eat Bulaga!

In a relationship na si Solenn Heussaff  hinungdan nga dihang gikomedyahan nga hayan mataypan siya ni Vic Sotto sa pagsulod na niya sa Eat Bulaga sa June, mikatawa lang siya.

“I stay in my age limit! Ha! Ha! Ha! Wala namang ganoon,” rason niya dihang gibisita atol sa last shooting day sa Boy Pick Up The Movie.

Aminado siya nga may boyfriend na siya.

“I don’t really talk about him,” niya pa.

Sukad nga na-artista na si Solenn, naibanan ang night life niya.

“Parang over na ‘yung stage na ‘yan. Tapos na. Sa bahay ako, mas enjoy ko sa bahay instead of going out. Of course, enjoy ‘yung sayaw-sayaw. Pero ngayon, parang lola na ako. Nine PM, parang tired na ako. Health buff na rin ako. Diet, super yoga.

“Pag uminom ako ng konti, feeling ko,dirty ang katawan ko. Ganoon. Ha! Ha! Ha! Of course, minsan-minsan nag-enjoy ako ng few drinks. Pero ‘yung all night party, hindi ko kaya. Once in every blue moon na lang!” pasabot ni Solenn.

P10M ang Every Breath

Gikatahong mihipos og first day gross nga P10 million ang pelikulang Every Breath You Take sa Star Cinema starring Angelica Panganiban ug Piolo Pascual sa pagbukas niini sa mga sinehan lukop nasud adtong Miyerkules.

“Last Dance” ni Summer

Mipanaw na ang sikat nga singer nga si Donna Summer sa edad nga 63-anyos didto sa Amerika adtong May 17. Cancer ang gitumbok nga rason sa kamatayon ni Summer, kinsa nagpasikat sa mga awit nga Hot Stuff , She Works for the Money, Bad Girls ug Last Dance. Naila pud siya isip Queen of Disco.

Gikasab-an sa management?

Human sa tweet sa promo executive sa ABS-CBN nga si Eric John Salut adtong Miyerkules nga nasayud matud pa siya sa “baho” ni KC, nga gitubag ni Megastar Sharon Cuneta og kapin 40 ka sunod-sunod nga tweets, wala na magluhag pa ang nahisgutan. Mga tweets niya kagahapon puros na lang pag-promote sa ilang mga teleserye sama sa Walang Hanggan ug Aryanna.

Aiko murag mulansar

Gihugon-hugon nga subling musalmot sa politika si Aiko Melendez. Facebook post niya adtong Huwebes sa gabii: “Meeting now with someone who is influential in Quezon City politics... Let‘s take it from there whether I‘m running again or not.:)”

Matapos na ang Legacy

Last taping day na kagahapon sa Legacy. Tweet sa usa sa mga bida nga si Lovi Poe: last taping day of legacy :(

Anne nahugyaw sa serye

Nahugyaw si Anne Curtis sa kanindot sa teleserye nila ni Shaina Magdayao ug Jake Cuenca. Tweet niya kagahapon sa hapon: I have to commend the whole team behind kung ako’y iiwan mo. Superb acting shaina and jake.

Helen wala kauyon sa iyang role

Giangkon ni Helen Gamboa nga dili siya kumportabli sa iyang role nga Donya Margaret sa toprating serye Walang Hanggan sa ABS-CBN gumikan kay labihan niini ka maldita. Ug kun kontra sila ni Susan Roces sa maong serye, labihan nila ka suod nga daw managsuon na sila sa tinuod nga kinabuhi.

Melissa ug Joem sa Bogo

Mulingaw sa mga Bogohanons ug kasikbit nga mga lumulupyo sila si Joem Bascon ug Melissa Ricks karong alas otso sa gabii, diha sa Bogo sports complex. Halad kini sa Gaisano Center Bogo dungan sa paglusad pud sa Sakyanang Pangnegosyo raffle promo.