I'm Sold Out To God Jun Niño: Rason Sa Iyang Pag-Resign

Giangkon ni Jun Niño M. Nalipay dinhi sa Banat News Hugyaw nga siguradong mingawon gyud siya sa iyang trabaho apan iyang gipatigbabaw ang iyang hukom sa plano niya kaniadto nga mobiya sa kalibutan sa media.

Gipadayag ni Jun nga sugod niadtong Mayo 10, epektibo na iyang resignation sa ABS-CBN Cebu hinungdan nga wala na siya makita sa programang TV Patrol-Central Visayas ug Maayong Buntag Kapamilya.

Si Jun nagsugod sa maong network niadtong June 2010 human siya mitapos sa kursong Mass Communication sa susamang tuig sa San Jose Recoletos.

bata nga reporter sa ABS-CBN-Cebu News Team.

Q and A

Banat News Hugyaw: Unsay rason nga ni-resign ka sa ABS-CBN –Cebu?

Jun: Bata pa kaayo ko, seguro naabot na ang panahon nga ganahan ko mu-explore og laing butang. First gyud nako nga rason kay ganahan ko mohatag og time sa Ginoo. Ganahan ko ma-active og balik sa amo church (World Christian Ministries). Ikaduha, makahatag na sad ko og dakong time sa akong family. Ikatulo, ganahan ko mo-eskwela og law.

Banat News Hugyaw: Pila ka buwan nimo gihuna-gihuna sa wala pa ka makahukom nga mo-resign sa ABS-CBN?

Jun: Unom gyud ka buwan, sige na gyud ko’g huna-huna ana nga mo-resign ko. Pag-abot sa March (2012) ni-file na gyud ko og resignation sa ABS-CBN, pero wala nila dawata ug gitagaan ko nila og panahon aron maghuna-huna kung final na ba gyud ang akong desisyon. Pag-abot sa April, nakadesisyon na gyud ko nga mo-resign. Makamingaw pud baya ang trabaho nako sa field.

Banat News Hugyaw: Nganong nangandoy ka nga mahimong reporter kaniadto?

Jun: Pag-high school nako hangtud naabot ko sa college, permi na gyud ko mosuwat sa among school publication. Maayo pud ning trabahua kay ato gani mahatod sa mga tawo ang nahitabo sa atong palibot.

Banat News Hugyaw: Unsa ang dili nimo makalimtan nga kaagi sa imong trabaho kaniadto isip reporter?

Jun:  First week pa lang nako sa trabaho, didto na ko gi-assign sa Compostela, katung kagubot sa mga Wagas ug Quinio. Samtang nag-cover ko gibato ko og ka duha. Duha ka bato ang ni-igo sa akong buko-buko. Na-trauma ko og pila ka adlaw tungod atong hitabua.

Banat News Hugyaw: Unsa naman ang imong plano karon?

Jun: Nangaplay ko karon sa usa ka government agency kay plano nako nga kung madawat ko ana, idungan pud nako ang pag-eskwela nako og law. Samtang wala pa ko nadawat, ako i-enjoy akong self uban sa akong family. Basta happy na kay ko karon, kay ma-active na pud ko og balik sa among church. I just want to share this guiding verse: 1Corinthians 6:19-20,” You are not your own, for you were bought with a price. So glorify God in your body” .In short, I’m sold out to God.

Banat News Hugyaw: Unsay mensahe nimo sa imong followers?

Jun: Aduna gyud ta’y tagsa-tagsa nga plano sa atong kinabuhi. Pero mutuo gyud ko nga maayo gyud kung mo-follow ka sa plano sa Ginoo. Open ka dapat sa bisan unsa nga mahitabo.

Nasayran nga ang 21 anyos nga si Jun maoy labing