Rufa Mae hindi tsinugi sa Bubble...
Mabait pa rin kay Rufa Mae Quinto ang GMA 7. Hindi siya tinanggal sa Bubble Gang kahit hindi na siya isang Kapuso at nagsisimula na sa pagiging co-host niya sa Will Time Big Time ng TV5.
Others would not have been given the same consideration pero siguro dahil nakiusap siya at talagang permanent fixture na rin siya sa Ogie Alcasid/Michael V. gag show for the longest time kung kaya kasama pa rin siya sa show.
Good for her and, how kind of GMA 7!
Original member naman siya ng BG cast, tulad din nina Maureen Larrazabal, Ogie, at Bitoy.
Hindi naman sa mapipilay ang show kapag nawala siya pero marami ang maninibago kapag hindi na siya nakita dito. In fairness to P-Chi, nakagawa na rin siya ng kanyang marka sa Bubble Gang.
Herbert hindi naniniwala sa banggaan nila ni vic
Tiniyak ni Mayor Herbert Bautista nung araw ng kanyang 44th birthday celebration sa Edsa Shangri-La na tatakbo siyang muli bilang mayor ng Quezon City. Sinabi niyang naniniwala siyang hindi siya kakalabanin ni Vic Sotto na balitang-balitang interesado rin sa posisyong hinahawakan niya sa kasalukuyan.
“Tama na ang isang Sotto sa pulitika,” ang dagdag na nasabi niya.
Hindi niya expected na magkakaroon siya ng isang bonggang selebrasyon ng kanyang kaarawan at lalong hindi ito paghahanda sa kanyang reeleksiyon. Naisip lang ng kanyang napaka-supportive na partner at itinuturing na napakabait na first lady ng Lungsod ng Quezon na si Tates Gana na sorpresahin siya at mawala naman kahit saglit ang isip niya sa kanyang napakaraming trabaho sa kanyang lungsod at mag-enjoy naman kahit sumandali.
Kapamilya actors hindi puwedeng manligaw basta-basta
Mukhang dumarami ang mga Kapamilya actors na hindi pinapayagan na makapanligaw sa mga babaeng gusto nila. Kailangan pa nilang maghintay para sa tuluyang pagdadalaga ng kanilang mga gustong babae bago nila ito maligawan.
Hindi bale sana kung tulad sila ni Enchong Dee na willing hintayin na maging ganap na dalaga si Julia Montes. Pero si Ejay Falcon ay mukhang hindi kasing tiyaga ni Enchong. Kahit sinabi nitong hihintayin niya si Empress, marami ay ayaw maniwala na mapapanindigan niya ang kanyang sinabi. Buti pa si Enchong na kahit andyan lamang sa tabi at hinihintay si Julia ay mapanghahawakan ang kanyang pangako pero si Ejay ay mukhang hindi sinsero sa kanyang mga sinasabi. Parang sinasabi lamang niya ang gustong marinig ng mga sumusubaybay ng kanilang serye ni Empress na Mundo Man ay Magunaw.
Hiram, painit nang painit
Painit nang painit ang mga rebelasyon sa high-rating drama series na Hiram na Puso sa GMA Afternoon Prime Block.
Sa pagpapatuloy ng kuwento, aawatin ni Lira (Kris Bernal) ang away nina Zeny (Gina Alajar) at Roxanne (Ayen Munji-Laurel) pero bago tuluyang lumayo si Roxanne, magbabanta ito kay Zeny na may witness na siya — at ipabubukas niya ulit ang kaso laban dito!
Kabado si Zeny sa banta ni Roxanne kaya pupuntahan nito si Leo (Gardo Versoza) para alamin kung si Vanessa (Bela Padilla) ba ang tinutukoy na tetestigo laban sa kanya. Hahanapin naman ni Roxanne ang kinaroroonan ni Vanessa para alukin itong makabawi sa nagawang pagpapabaya kay Angeline.
- Latest
