Mo suspendido kay nagbinastos ni Charice
CEBU, Philippines - Gisuspenso si Mo Twister (Mohan Gumatay sa tinuod nga kinabuhi) ug ang laing duha niya ka mga kauban nga disc jockey sa Magic 89.9 gumikan sa pag-hashtag og “charicepempengcosextape” sa microblogging site ngaTwitter.
Sila si Mo, DJ Tin Gamboa ug Mia Bayuga nagsugod sa Twitter hashtag isip komedya samtang nag-on air sila sa programang “GoodTimes” kagahapon. Ang hashtag maoy nahimong top local trending topic sa Twitter kagahapon sa buntag.
Ang maong mga personalidad sa radyo masuspenso sa ilang programa sulod sa duha ka semana nga walay suweldo.
Samtang si Charice misaysay nga wala dayon siya katoo sa gibuhat ni Mo sanglit nagtoo siya nga maayo kini nga tawo. “Too bad. Remember, you interviewed me? I thought you were nice. anyway, I should talk to you FACE TO FACE. :)” ,” mensahe pa ni Charice nga gi-post sa iyang Twitter account.
Panghinaut ni Charice nga makakuha og maayong abogado si Mo gumikan kay iyaha kining pasakaan og kaso.
“It's my birthday tomorrow.. I just can't wait to go back to the Philippines,” dugang pa ni Charice. Nangayo og pasaylo si Mo sa iyang gibuhat kung diin ang maong komedya gihulagway niya nga "dumb" ug "cruel." "I want to take the opportunity to apologize to Charice for a stupid and cruel joke on our show today. We attempted to be funny at her expense and, in the process, hurt her feelings. It’s with deep regret that we have come to learn that," matud pa ni Mo.
- Latest
