Engineering graduate ang rayna

CEBU, Philippines - Sama sa napanlantawan sa Banat News Hugyaw ang Cum Laude sa kursong Electronics and Communication Engineering sa University of San Carlos nga si Nicole Tuazon maoy nakalangkat sa korona nga Miss Mandaue 2012 nga gipahigayon niadtong Domingo sa gabii sa J- Center Mall.

Si Nicole kinsa maoy natuboy nga Darling of the Press misaysay dinhi sa Banat News Hugyaw nga wala siya magdahom sa resulta sanglit gihulagway niya nga puros mga lig-on ang kandidata sa Ms. Mandaue.

Ikaduha na kini nga higayon nga misalmot og beauty pageant si Nicole ug nakatabang kini kaniya aron mawala ang iyang pagkamauwawon.

Nasayran nga siya maoy Miss Toledo Independence -1st runner-up ug dako ang iyang pasalamat ngadto sa iyang pamilya ug mga higala nga maoy nagdasig kaniya nga mosalmot sa maong indigay.

Gisaad ni Nicole nga iyang buhaton ang iyang mga responsibilidad isip Miss Mandaue ug ang iyang adbokasiya sa pagpalambo sa mga livelihood programs maoy buot niya nga ipatigbabaw.

“Kung ang mga tawo adunay panginabuhian, masulbad gyud ang poverty,” matud pa ni Nicole.

Ang 17 anyos nga SK chairperson nga si Daisy Rell Lopez maoy napili nga 1st runner-up kinsa miangkon nga pagbaton og daghang mga higala maoy rason kung nganong mosalmot siya og mga indigay sa kaanyag.

Si Daisy maoy napili nga Miss Cordova sa miaging tuig ug misaysay siya nga nakontento gyud siya sa resulta ug ang labing importante nga na-enjoy siya sa pagsalmot niini.

Napili usab nga 2nd runner-up ang Psychology student sa Cebu Doctor’s University nga si Jacqueline Pedotti .

Nagmaya usab sa kalipay ang 18 anyos nga si Maria Cassandra Yu human siya maoy napili nga 3rd runner-up samtang natuboy usab nga 4th runner-up mao ang high school graduate sa Naval State University nga si Keena Mary Anne Sumido.

Ang beauty queen ug produkto usab sa Ms. Mandaue nga si Karla Henry maoy host sa maong indigay ug midalit usab og makakilig nga awit ngadto sa mga kandidata ang Kapamilya star nga si Rayver Cruz.

Napuno sa pakpak ang production number sa mga kandidata kung diin gisul-ob nila ang costume nga daw-anghel sila nga mipaso sa entablado.

Si Mandaue City Mayor Jonas Cortes nagpasalamat sa mga tawo nga misaksi sa ika-43 ka tuig sa maong indigay ug iyang gisaysay nga nakatatak na sa huna-huna sa kadaghanan ang maong pageant busa kanunay kini nga hugupan sa mga tawo.

Minor and special awards:

Miss Slimmer’s World – Maria Cassandra Yu

Ms. Gems and Design Girl- Armejoice Bael

Ms. M. Lhuiller Wine - Daisy Rell Lopez

Ms. Rejuviline Girl - Mary AnnKeena Me Sumido

Best in Urban Angel Costume - Mary AnnKeena Me Sumido

Ms. Casino - Mary AnnKeena Me Sumido

Ms. Photogenic - Mary AnnKeena Me Sumido

Ms. Lecit- E – NicoleTuazon

Ms. Park Mall Shoppers’ Choice Award - NicoleTuazon

Darling of the Press - NicoleTuazon

Ms. J Center Mall – NicoleTuazon

Ms. Face of Solcire and Casino Hotel Manila - NicoleTuazon

Ms. Philippine Airlines – NicoleTuazon

Best in Production Design - Namrata Neesha Murjani

Ms. N Genius 2012 - Namrata Neesha Murjani

Best in Evening Gown - Namrata Neesha Murjani

Smart Texters’ Choice award - Michelle Uy

Best in Fun Wear - Jacqueline Pedotti

Ms. Friendship - Joanne Bonnety

Best Designer - Wendell Quisido

Raymart-Claudine gikiha na!

Misang-at na og kasong Grave Coercion ug Physical Abuse si Mon Tulfo batok sa magtiayong Raymart Santiago ug Claudine Baretto.

Didto kini niya gi-file sa Pasay-RTC kagahapon sa buntag.

As of presstime, gipaabot pa ang pagbutho sa magtiayong Raymart ug Claudine kay musang-at pud matud pa sila og kaso batok kang Tulfo.

Napungot og maayo ang mga igsuon ni Tulfo ug gihagit na ni Erwin og one-on-one si Raymart.

Samtang nagpakahilom si Raymart pagkakaron ug bisan ang tawag gikan sa iyang mga suod nga higala wala niya panumbalinga.

Ang kaso nga gipasaka ni Tulfo may kalambigitan sa lamok-lamok nga nahitabo tali sa magtiayon ug sa maong mediaman didto sa Ninoy Aquino International Aiport adtong Domingo.

Marian lingaw gyud og comedy

Nindot ang feedback sa bag-ong dramedy sa GMA 7 nga Tweets for my Sweet nga nagsugod adtong Domingo sa gabii.

Tataw nga kumportable si Marian Rivera sa comedy ug mokatawa sad gyud ka sa lahi nga ataki sa comedy ni Chef Boy Logro.

Matud ni Marian, ganahan gyud siya og comedy kay mura ra sila og nagduwa sa set, pun-an pa nga ikasabot niya og maayo ang iyang mga kauban sa maong programa.

Mirriam: Let’s all move on

Tweet ni Miriam Quiambao kagahapon sa buntag: “It's a new week... Let's all move on, shall we? Have a good week everyone!!!”

Sunud-sunod pa gihapon ang ataki batok kang Mirriam gikan sa LGBT community, bisan nag-apology na siya.

Nagdumili na si Mirriam nga magpa-interview aron matud pa dili na siya madaot. Nangayo ang kanhi beauty queen og kalinaw ug unta hunungon na matud pa ang mga birada batok kaniya. Sol Gorgonio/PSN

Kissing scene dayon

Tsika pa ni Carla Abella nga deretso dayon sa kissing scene ang gibuhat sa unang adlaw sa taping sa serye nila ni Richard Gutierrez nga Makapiling Kang Muli.

Jewel ug Jason buwag na

Tsika pa ni Jewel Mische nga si Jason Abalos maoy angayan nga pangutan-on kalabot sa taho nga matud nagbuwag na silang duha apan mihirit siya pag-ingon og “What I could tell you is that I’m not in a relationship with anybody.”

Chynna dili pilian

Tsika pa ni Chynna Ortaleza nga dili siya mamili og proyekto ug mao kini ang hinungdan nga wala gyud mahupas ang iyang showbiz career.

Lovi nangurog ni Nora

Giangkon ni Lovi Poe nga na-pressure siya og maayo sa shooting sa indie film niya nga Thy Womb gumikan kay iyang ka-eksena ang superstar nga si Nora Aunor.

Palahi nga regalo

Matud pa ni Jillian Ward nga dili materyal nga butang ang iyang iregalo sa iyang inahan karong Mother’s Day sanglit ang iyang pagka-kugihan sa trabaho ug gugma maoy iyang gidalit ngadto sa iyang inahan.

Kissing scene dayon

Tsika pa ni Carla Abella nga deretso dayon sa kissing scene ang gibuhat sa unang adlaw sa taping sa serye nila ni Richard Gutierrez nga Makapiling Kang Muli.

Jewel ug Jason buwag na

Tsika pa ni Jewel Mische nga si Jason Abalos maoy angayan nga pangutan-on kalabot sa taho nga matud nagbuwag na silang duha apan mihirit siya pag-ingon og “What I could tell you is that I’m not in a relationship with anybody.”

Chynna dili pilian

Tsika pa ni Chynna Ortaleza nga dili siya mamili og proyekto ug mao kini ang hinungdan nga wala gyud mahupas ang iyang showbiz career.

Lovi nangurog ni Nora

Giangkon ni Lovi Poe nga na-pressure siya og maayo sa shooting sa indie film niya nga Thy Womb gumikan kay iyang ka-eksena ang superstar nga si Nora Aunor.

Palahi nga regalo

Matud pa ni Jillian Ward nga dili materyal nga butang ang iyang iregalo sa iyang inahan karong Mother’s Day sanglit ang iyang pagka-kugihan sa trabaho ug gugma maoy iyang gidalit ngadto sa iyang inahan.