Ryan nagagawa pang makipaghabulan sa mga anak
Nakausap namin si Ryan Agoncillo sa presscon ng presentation ng mga Hall of Famers ng Talentadong Pinoy. Ito’y kinabibilangan nina Ayegee, Melbelline, Dancing is Fun, Craig and Samantha, Astroboy, Sustantivo, Monica at Rhyzza na umere ng live sa TV5 mula Quezon Memorial Circle simula kagabi at hanggang ngayong gabi.
Kinumusta rin namin ang married life nila ni Judy Ann Santos at ayon kay Ryan, kagagaling lang sa ibang bansa kung saan dun idinaos ang kanilang third wedding anniversary.
Kahit abala siya sa kanyang trabaho bilang host ng Eat Bulaga (daily) at Talentadong Pinoy (weekly) ay may time pa rin siya sa pamilya — sa kanyang asawa at dalawang anak lalo na sa bunsong si Lucho.
“Gumigising na ako ng 6:30 a.m. para bantayan si Lucho na isang taon at kalahati na. Nagtatakbuhan kami sa loob at labas ng bahay habang natutulog minsan si Juday,” sabi ng TV host-actor.
Personal…
Congratulations kay Zara Jane A. Baisas ng Paete, Laguna for passing the recent licensure examination for electrical engineers.
Siya ang nag-iisang anak ng publicist na si Zar Baisas. Graduate si Zara sa UP Los Baños.
- Latest
