Kampo ni Derek natatakot mabaliktad sa break up nila ni Angelica

PIK: Sa Linggo na ang alis ng grupo ng The Road para sa red carpet premiere ng naturang pelikula sa Hollywood. May binanggit si Mr. Joey Abacan na mga pangalan ng Hollywood stars na dadalo pero ayaw naman nilang kumpirmahin at baka hindi naman makarating.

Ang wish lang naman ni Alden Richards na sana makadalo ay si Megan Fox. Walang makakapigil sa kanya, magpapa-picture talaga siya sa bida ng Transformers.

Kasali rin sa grupo na aalis si Derrick Monasterio, na ang dinig namin ay makikipagkita sa kanya roon ang kanyang ama na matagal na niyang hindi nakikita. Hindi na nga maalala ni Derrick kung kailan niya huling nakita ang kanyang ama.

PAK: Nakakatuwa si Louise delos Reyes dahil mas pinili niya ang on-the-job training (OJT) sa Senado kesa sa sumama sa red carpet premiere sa Amerika. In coming fourth year na pala si Louise sa kursong foreign service sa Lyceum of the Philippines at kailangan niyang makakumpleto ng 300 hours ng OJT sa Senado. Pursigido kasi siyang tapusin ang pag-aaral at baka mag-law siya sa UP pagkatapos niya ng apat na taong kurso sa Lyceum.

BOOM: Inamin ng ilang taong malapit kay Derek Ramsay na nagkakaproblema talaga sila ngayon ni Angelica Panganiban.

Nasa cooling off stage sila at kailangan nilang pag-usapan ito kung gusto nilang maayos ang kanilang relasyon. Ang worry lang ng kampo ni Derek na baka mabaligtad pa ito dahil aware naman silang si Angelica ang poprotektahan ng ABS-CBN.

Itinatanggi naman ni Angelica na may kinalaman si John Lloyd Cruz sa problema nila ni Derek. Wala namang problema sa panig ni Derek pero baka ang lumabas, ito pa ang may kasalanan.

Nang nakaka-text namin ang manager ni Derek na si Jojie Dingcong, nag-text lang ito sa amin na cool-off muna sila ngayon pero hindi naman break.