Dennis hagbay rang gipapas si Cristine
Manila, Philippines --- Sa nasayran ni Dennis Trillo, dili extended ang Biritera gumikan kay gibakwi sa GMA-7 ang gihatag niini nga extension, pero tibuok pa gihapon ang istorya. Wala lang siya masayud kun magkadayon ba sila ni Mic-Mic (Glaiza de Castro).
Basta kay sunod semana, asoy pa ni Dennis, masayran na matud pa niya nga magsuon sila ni Roseanne ug gisiguro niya nga nindot ang ending sa soap nga ginuntan sa kadaghanan.
Samtang gihimakak ni Dennis ang balita nga nagtagbo sila sa tago ni Cristine Reyes. Imposibli matud pa kini sanglit dugay na matud pa sila nga wala magkita. Gipapas na matud pa niya si Cristine sa iyang kasingkasing. Wala mutubag si Dennis sa pangutana kabahin sa interview kang Cristine nga napatik sa Yes! nga greatest love niya ang aktor.
“Baka maraming masaktan ‘pag sinagot ko ‘yan. Baka maging unfair ako ‘pag magbabanggit ako ng isang particular name. Kapag nagmahal ka, iba-ibang gravity, ‘di masusukat ‘yun,” ni Dennis pa.
Mipahiyum si Dennis sa pangutana kung gipatilaw ba siya ni Bianca King sa gi-bake niini nga cake. Hinuon, makausa nagdala si Bianca og cake sa set sa Biritera, busa nakatilaw ang tanan.
- Latest
