Magasin may 3-in-1 na rin!
MANILA, Philippines - Isa sa mabilis na lumalaking publikasyon ngayon ang Mindmaster Publishing Company. Sa loob ng anim na taon, nakapagpalabas na ang kumpanya ng mga tiles na tulad ng Astro Horoscope, Feng Shui, Astro Horoscope Lucky Charms, UpBeat Songhits, Pinoy Puzzle, Word Quest, Kuwentong Multo, at English Crossword na naging bahagi na ng kamalayan ng palabasang mga Pinoy.
Sa pagdami ng kanilang mga mambabasa, nagdagdag sila ng dalawa pang mga title na kasasabikang basahin.
Ang FAME Magazine (Famous Athletes, Moviestars, and Entrepreneurs) naman ay isang bagong magazine na nagtatampok sa buhay, pagmamahal at mga tagumpay ng sikat na mga celebrities sa sports at showbiz at sa mga negosyanteng Pilipino.
Ipinasya nilang maglabas ng makabagong idea ng katuwaan sa konseptong 3-in-1 na magazine. Nasusulat sa Taglish ang magazine na pampamilya dahil sa mga artikulong kaaya-aya, nakakaaliw, at nagtuturo ng makabuluhang impormasyon.
Ang Celebrity Food & Health Magazine ay tumutugon sa lifestyle ng Pilipino. Ginawa ito kapwa para sa mahihirap at mayayaman. Mababasa rito ang hinggil sa mga masasarap at masusustansiyang pagkain sa iba’t ibang bansa. Nagbibigay din ito ng bagong balita at makabuluhang impormasyon hinggil sa mga paboritong celebrities at ang pagkaing gusto nilang kainin at lutuin kasama pa ang mga pampaganda. Hinihikayat din dito at ginagabayan ang mga Pilipino sa malusog na lifestyle.
Ang 3-in-1 Magazines ay mabibili sa halagang P60, lumalabas buwan-buwan at mabibili sa mga pangunahing bookstores at newsstands.
- Latest
